Labarai

Kano: Gobarar wuta ta halaka mutane 4 a Kano

Alhamis, Satumba 21, 2017 at 5:33 Yamma daga Mudathir Ishaq 2 - tsawon mintuna

- Gobarar wuta ta halaka mutane 4 a birnin Kano

- Wutar ta rushe dukkanin dakuna hudu a cikin gidan da gobarar ta shafa

- Daraktan hukumar kwantar da gobarar wuta ya danganta gobarar akan ajiyar man fetur a cikin gida

Akalla mutane hudu sun mutu sakamakon wani mumunar gobarar wuta a safiyar ranar Laraba, 20 ga watan Satumba a Tudun Murtala Quarters a cikin birnin Kano.

Babban daraktan hukumar kwantar da gobarar wuta na jihar, Alhaji Mustapha Rilwan, ya shaida wa majiyar Legit.ng a Kano a ranar Alhamis cewa, wutar ta rushe dukkanin dakuna hudu a cikin gidan da gobarar ta shafa.

A cewarsa, "Wani dan taliki ya kira mu a ranar Laraba misali karfe 10:23 na safe cewa ana gobarar wuta a wani gida a Tudun Murtala Quarters. Yayin samu wannan labari nan da nan muka tura motocin kashe wuta 4 zuwa gidan inda muka yi nasara kashe wutar bayan mintuna 45”.

Kano: Gobarar wuta ta halaka mutane 4 a Kano — Gobarar wuta a Kano

Rilwan ya ce sun samu ceto mutane 4 yayin da mutum daya ya ji rauni kuma an kai shi asibitin Murtala Mohammed na musamman.

KU KARANTA: Gwamnatin Kwara ta bawa nakasassu masu wasan kwallon kwando kyautar kujerar guragu

Ya ce likita ya tabbatar da cewa mutane 4 daga cikinsu sun mutu yayin da mutum daya da ya saura ana masa magani a asibitin.

Daraktan ya danganta gobarar wutar akan ajiyar man fetur a cikin gida kuma ya shawarci mazauna su kaucewa adana kayan man fetur a gidajensu.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Ku biyo mu a https://www.facebook.com/naijcomhausa

Ko a http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng