Labarai

Yadda mata 4 saman doki suka kwashe yan kallo a hawan daushe na masarautar Zazzau

Lahadi, Satumba 10, 2017 at 3:16 Yamma daga Mudathir Ishaq 1 - tsawon mintuna

Kamar dai yadda aka saba a al'adar malam Bahaushe a kasar Hausa da sallah akan gudanar da bukukuwa da dama ciki hadda hawan dokona da nufin raya al'adun mu da kuma masarautun mu na gargajiya.

To saidai a wannan sallar da ta gabata a masarautar Zazzau al'amarin ya dauki wani sabon salo da wasu mata su hudu suka kwashe yan kallon yayin da suka yo ado saman dawakan su.

Yadda mata 4 saman doki suka kwashe yan kallo a hawan daushe na masarautar Zazzau

KU KARANTA: Rikici tsakanin Ali Nuhu da Rahma Sadau

Legit.ng ta samu dai cewa matan sune Barbara Patricia Zingg, Blessing Mato, Hawwah Gambo da kuma ta karshen su Shamsiyya Zaria. Matan dai sun caba ado irin na kasaita da sarauta da kuma suka riko tutar su ta shahararriyar sarauniyar nan ta Zariya da ake kira Sarauniya Amina.

To sai dai fitowar matan ke da wuya sai kawai kallo ya koma wurin su musamman ganin irin adon da suka caba da kuma yadda ba'a saba ba da hakan.

Ko shakka babu kuma hakan ba karamin karawa bukukuwan sallar armashi yayi ba a garin na zazzau musamman ma kuma ganin yadda aka tunawa jama'a cewa suma fa mata ba'a barsu a baya ba.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng