Labarai

Yanzu-Yanzu: Sojoji sun zagaye wani kauye a Bayelsa sakamakon kisan soja da sukayi

Alhamis, Agusta 31, 2017 at 9:15 Yamma daga Mudathir Ishaq 1 - tsawon mintuna

Wasu jami'ai a rundunar sojin Najeriya a yanzu haka sunyi wa wani kauye dake a cikin jihar Bayelsa kawanya a dalilin kisan dan uwan su da akayi tare da wani mutum a kauyen mai arzikin man fetur a jiya Laraba.

Ana dai zargin wasu yan bindiga dadi daga kauyen ne suka farma sojoji a dajen garin inda kuma har suka kashe daya daga cikin su a wajen wani dan tafki dake a wajen garin Letugbene a ranar Litinin din da ta gabata.

Yanzu-Yanzu: Sojoji sun zagaye wani kauye a Bayelsa sakamakon kisan soja da suka

KU KARANTA: Yadda nike yaudarar yara in zan yi anfani da su - Wani mutum

Legit.ng ta samu labarin cewa yan bindiga dadin dai da yawan gaske ne suka farma sojojin kuma suka hau su da harbi ba kakkautawa. Labaran da muka samu kuma sun nuna mana cewa yayin da wani daga cikin matuka jirgin ruwan sojojin ya nemi rugawa ne sai yan bindigar suka harbe shi.

To tun bayan da labarin kisan na jami'in sojin ya kai ga mahunta a rundunar sai suka dauki mataki inda yanzu haka aka tura wasu zaratan sojin da dama su ka zagaye kauyen suna neman yan bindigar na nufin hukunta su.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng