Labarai

Labari mai daɗi: Buhari ya bada umarnin gina layin dogo Maiduguri zuwa Fatakwal

Jummaʼa, Agusta 25, 2017 at 4:31 Yamma daga Mudathir Ishaq 1 - tsawon mintuna

Shugaban kasa Muhammadu Buhari ya amince a gina titin jirgin kasa daga jihar Kano zuwa garin Daura ta jihar Katsina, kamar yadda ministan sufuri Rotimi Amaechi ya bayyana.

Minista Amaechi ya bayyana haka ne yayin wani taron kara ma juna sani da aka yi a garin Abuja, wanda wata mata Osasu ta shirya don tattauna batutuwan tattalin arziki da inganta rayuwar talaka.

KU KARANTA: Buhari ya gana da shuwagabannin jam’iyyun Najeriya a fadar shugaban ƙasa (Hotuna)

Cikin titunan jirgin da Buhari ya amince a gina, akwai daga Fatakwal zuwa Maiduguri, Kano zuwa Maiduguri, Makurdi zuwa Jos, Gombe-Yobe zuwa Borno, sai kuma daga jihar Jigawa zuwa Nijar.

Labari mai daɗi: Buhari ya bada umarnin gina layin dogo Maiduguri zuwa Fatakwal — Jirgin kasa

Minista Amaechi ya koka kan yadda lamarin sufurin jirgin kasa ya tabarbare a Najeriya, sai dai yace a yanzu haka suna yin duk mai yiwuwa don ganin sun inganta harkar sufurin kamar yadda Legit.ng ta ruwaito.

“Kamfanin GE sunyi mana tayin zasu bamu tarragon jirgi guda 100, amma sai muka ga cewa hanyoyin irin jiragen mu ba zasu iya daukan sama da jirage 17 bakwai ba, don haka zamu kaddamar da taago 6 zuwa 10 a ranar 1 ga watan Oktoba da 2 ga wata.

“Muna sa ran daga watan Oktoba, kamfanin GE zata fara aiki daga Fatakwal zuwa Maiduguri.” Inji Amaechi

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng