Labarai

Dan kasuwa Dangote ya taimakawa Hausawa da Fulanin tsaunin Mambila da kudi Naira miliyan 50

Alhamis, Yuli 13, 2017 at 5:37 Yamma daga Mudathir Ishaq 1 - tsawon mintuna

- Dan Gote ya ba Hausa da fulani N50miliyan

- Dangote yace yana jajantawa Hausawa da fulanin Mambila

- Wannan ne karon farko da wanda ba gwamnati ba ya ba mutanen taimako

Shahararren attajirin nan dan kasuwa watau Alhaji Aliko Dangote ya ba Hausawa da kuma fulanin dake a bisa tsaunin Mambila da rikicin kabilanci ya shafa a kwanan baya gudummuwar Naira miliyan 50.

Aliko Dangote dai ya ziyarci jihar ta Taraba ne a cikin satin nan inda kuma yace ya zo ne yin ziyarar jajantawa ga Hausawa da fulanin yankin sannan kuma da ta'aziyya ga iyalan tsohon Gwamnan jihar Danbaba Suntai.

Dan kasuwa Dangote ya taimakawa Hausawa da Fulanin tsaunin Mambila da kudi Naira miliyan 50

Legit.ng ta samu labarin cewa wannan ne dai karon farko da wani dan Najeriya wanda ba gwamnati ba ya fara bada taimako ga wadanda rikicin ya dai-daita a saman tsaunin na Mambila.

A kwanan baya ma dai mai karatu zai iya tuna cewa tsohon Gwamnan Kano kuma Sanata mai wakiltar jihar Kano ta tsakiya Sanata Rabi'u Musa Kwankwaso ya ziyarci tsaunin da nufin kawo karshen kashe-kashen da kuma lalubo bakin zaren rikicin.

Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng