Labarai

Kurungus! Ta yi masa kaciya, bayan yayi mata fyaɗe

Talata, Yuni 20, 2017 at 10:15 Yamma daga Mudathir Ishaq 1 - tsawon mintuna

- Wani gardi ya fara zaman kurkuku yayin da asirinsa ya tonu a Katsina

- Wannan gardi dai ya samu nakasu ne a gabansa lokacin da wata yarinya tayi masa kaciya

Wani lamari mai ban ta’ajibi ya wakana a wata kotun jihar Katsina inda aka gurfanar da wani kato mai shekaru 30 sakamakon yarinyar da ake zargi yayi ma fyade ta yanke masa al’aura.

Kaakakin rundunar yansandan jihar, DSP Isa Gambo ne ya shaida ma kamfanin labarai na BBC Hausa, inda yace an kama mutumin ne a lokacin daya je neman samun shaidu daga wajen yansanda, a matsayin sharadin da likita ya gindaya masa kafin ya duba shi.

KU KARANTA: Dubun wasu ɓarayi ta cika, Anyi musu ɗaurin demon minti (Hotuna)

Kaakakin yace yansanda sun gano hakan ne yayin da suka yi masa yan tambayoyi kan yadda yaji raunin, inda daga bisani suka fahimci ya jiyo raunin ne sa’ailin da yake yi ma wata yarinyar fyade.

Kurungus! Ta yi masa kaciya, bayan yayi mata fyaɗe — Yansanda

Wannan mummunan lamari, kamar yadda majiyar Legit.ng ta ruwaito ya faru ne a garin Kankara a ranar 15 ga watan Mayun data gabata.

Daga karshe Alkalin Kotun, mai shari’a Fadile Dikko ya bada umarnin a tasa keyar mutumin zuwa gidan Kurkuku, sa’annan ya dage sauraron karar zuwa ranar 20 ga watan Yuli.

Ku biyo mu a https://www.facebook.com/naijcomhausa

ko a http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng