Labarai

Abin al’ajabi: Wani masallaci da mata da maza ke ibada a tare

Talata, Yuni 20, 2017 at 9:01 Safiya daga Mudathir Ishaq 1 - tsawon mintuna

- An bude wani masallaci na wasu da suka kira kansu masu sassaukar ra’ayi a Kasar Jamus

- Maza da mata ke sallah a gwamutse, sannan matan basa sanya mayafi

- An gina masallacin ne a jikin coci

An bude wani masallaci na wasu da suka kira kansu masu sassaukar ra’ayi a Kasar Jamus inda mata da maza suke sallah a tare.

Masallacin da aka sakawa suna Ibn Rushd-Goethe yana gine ne jikin wani cocin Protestant da ke birnin Berlin. Wannan masallaci shi ne irinsa na farko a kasar ta Jamus.

KU KARANTA KUMA: An gurfanar da tsohon gwamnan jihar Benue Suswam akan zargin almundahana

A wannan masallaci, ‘yan Sunni da ‘yan Shi’a na yin ibada a tare kuma an sahalewa mata da su shiga masallacin tare da aiwatar da duk nau’in ibadar da suka yi niyya ba tare da sanya hijabi, mayafi ko kallabi ba.

Abin al’ajabi: Wani masallaci da mata da maza ke ibada a tare

Wata mai kare ‘yancin mata, Seyran Ates, ta bayyana cewa sun shafe shekaru kusan takwas suna fafuttukar nemawa musulmai irin wannan wajen bauta amma abin ya gaggara sai a wannan karon Seyran Ates.

Ta bayyana ce wa: “Rashin hadin kai a wuraren bauta ne ke haddasa yawaitar ta’addanci da munanan ayyuka a addinin musulunci wanda kamata ya yi a ce mu musulman zamani mu hada kan mu awuraren bautarmu."

Ku same mu a https://www.facebook.com/naijcomhausa

Ko a http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng