Labarai

Shekara 19 da rasuwa: Janar Abacha, ‘sai bayan baka ake’

Alhamis, Yuni 08, 2017 at 5:29 Yamma daga Mudathir Ishaq 2 - tsawon mintuna

- Tsohon shugaban kasa a mulkin Soja janar Sani Abacha ya cika shekaru 19

- Tsohon shugaban kasa Abacha ya rasu ne a ranar 8 ga watan Yunin 1998

A yau 8 ga wata Yuni ne tsohon shugaban kasa a mulkin Soja janar Sani Abacha ya cika shekaru 19 cif cif da rasuwa.

Tsohon shugaban kasa Abacha ya rasu ne a ranar 8 ga watan Yunin 1998, bayan kwashe shekrau biyar yana mulkin kasar Najeriya daga shekarar 1993.

KU KARANTA: Saudiya ta baiwa Najeriya kyautan kilo 181,437 na dabino

An haifi Abacha ne a ranar 20 ga watan Satumbar 1943 a garin Kano, kuma ya halarci makarantar horar da hafsan Soji dake Aldershot, kasar Ingila, an tabbatar da shi a matsayin cikakken hafsan soji a shekarar 1963.

Shekara 19 da rasuwa: Janar Abacha, ‘sai bayan baka ake’ — Janar Abacha

Janar Abacha yayi kaurin suna a tsakanin abokan aikinsa na Soja wajen tsarawa da shirya juyin mulki, tun yana karamin hafsan soji ya sa hannu a juyin mulkin shekrar 1966 da aka yi don rama kisan Sardauna , Tafawa Balewa da sauran manyan Arewa.

Haka zalika yana daya daga cikin jigajigan Sojojin da suka juya gwamnatin mulkin shugaban kasa Alhaji Shehu Shagari a shekarar 1983, wanda yayi sanadiyyar zama Janar Buhari shugaban kasa. Bugu da kari Abacha ne kan gaba wajen juya gwamnatin Buhari, daga nan IBB ya zama shugaban kasa.

A shekrar 1993, 17 ga watan Nuwamba ne Abacha ta ture gwamnatin rikon kwarya na Cif Eranest Shonekan, daga nan ya zama shugaban kasa mai cikakken iko.

A ranar 8 ga watan Yuni Abacha ne ya rasu a kan karagar mulki, kum aka binne shi a jihar Kano. Allah ya jikan sa.

Legit.ng ta kawo muku wasu daga cikin hotunan marigayin don tunawa da shi:

Ku biyo mu a https://www.facebook.com/naijcomhausa

ko a http://twitter.com/naijcomhausa

Ya za'a idan matarka tafi ka albashi?

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng