Jerin sunayen mutanen da hukumar EFCC ke nema ruwa a jallo

Hukumar yaki da zamba, cin hanci da yi ma tattalin arzikin kasa zagon kasa, EFCC ya bayyana jadawalin sunayen wasu mutane da hukumar ke nemansu ruwa a jallo sakamakon zarge zarge da dama dake wuyansu.

EFCC ta sanya sunayen mutanen ne a shafinta na yanar gizo, inda tace mutanen sun arce daga kasar tun bayan fara nemansu. Wasu daga cikinsu sun hada da:

1- Ekpemupolo A.K.A Tompolo

Aiki: shugaba a kungiyar tsagerun Neja Delta, MEND

Tuhuma: aikata miyagun laifuka, da tsere ma shari’a

Kudin sata: Naira miliyan 34

2-Bawa Thomas Momodu

Aiki: Ma’aikacin bankin Sterling, reshen garin Fatakwal

Tuhuma: Bindiga da kudi, hada takardun bogi da satar kudi

Kudin sata: Naira miliyan 27

KU KARANTA: Ahir! ‘Ba’a shiga tsakanin Buhari da Osinbajo, danjuma ne da dan jummai

3-Emeka Charles Ekekwe

Aiki: Tsohon ma’aikacin bankin Fidelity

Tuhuma: Satar kudin kamfani

Kudin sata: Naira miliyan 146

4-J. Ogbonna Obike Phillip

Tuhuma: Safarar makudan kudade dayace babban banki ta tura mai akan kuskure

Kudin sata: Naira miliyan 45

5- Abdulrasheed Maina

Aiki: Tsohon shugaban hukumar fansho

Tuhuma: cin kudin yan fansho, karkatar da kudaden yan fansho

Kudin sata: sama da naira biliyan 2

6-Mariano Albino

Tuhuma: Zamba cikin aminci, bindiga da kudade

Kudin sata: Naira miliyan 989, 288, 400

7- Desmond Osawaru

Tuhuma: Zamba

Kudin sata: dala 200, 000

8- Ibrahim Saminu Turaki

Aiki: Tsohon gwamnan jihar Jigawa

Tuhuma: wadaka da kudaden al’umma, da satar kudaden al’umma

Kudin sata: sama da naira biliyan 30

9- Badmus Luqman Adedeji

Aiki: shugaban kamfanin motoci na KYC dake Kaduna

Tuhuma: satar kadarorin bankin First Bank

Kudin sata: Naira miliyan 40

10- Nsikak Anthony Usoro

Aiki: dan asalin karamar hukumar Mkat dake jihar Akwa Ibom

Tuhuma: kuskuren aikawa da kudaden jiha

Kudin sata: Naira miliyan 107

Ku biyo mu a https://www.facebook.com/naijcomhausa

Ko a http://twitter.com/naijcomhausa

Asali: Legit.ng