Labarai

Wani hamshakin Attajiri yayi ma marasa galihu tagomashi

Talata, Janairu 31, 2017 at 9:12 Safiya daga Mudathir Ishaq 1 - tsawon mintuna

Shugaban kamfanin mai na Stanel, Mista Stanley Uzochukwu ya raba ma mata da mazajensu suka rasu da marayu da dama kayayyakin abinci da na amfanin yau da kullum a garin Abuja da jihar Filato.

Wani hamshakin Attajiri yayi ma marasa galihu tagomashi — Satnley Uzochukwu

Yayin da take nuna godiyar tag a halin arziki irin na Mista Uzochukwu, Hannatu Danladi, shugaban kungiyar zawaran cocin ECWA dake Tudun Wadan jihar Filato tace “nayi mamaki matuka dangane da kirkin Stanley Uzochukwu musamman yadda yake taimaka ma gajiyayyu da marayu. Shine mutum daya tilo daya tallafa mana muke samun saukin radadin tattalin arzikin da ake fuskanta, wannan shine karo na 3 ko na 4 dayake kawo mana ziyara tun 2011.”

KU KARANTA:Yadda wani matashi ya tsira daga wani mummumar hatsarin mota

Hannatu ta cigaba da fadin: “Ba ziyara kawai yake kawo mana ba, zuwa yake yi da manyan Tireloli cike da kayyakin abinci daban daban, kamar su man gyada, shinkafa, masara, sabulai, zannuwa, suga da makamantansu. Muna fatan sauran masu kudi zasu yi koyi da shi, kuma muna mai addu’ar Allah ya kara masa arziki.”

Shima wani maraya daya amfana da tagomashin Mista Stanley Uzochukwu, Idoko James ya mika godiyarsu a madadin sauran daruruwan marayun da suka amfana.

Ku biyo mu a https://www.facebook.com/naijcomhausa ko a http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng