Labarai

Abun da China keyi da naman jaki zai baka mamaki (Karanta)

Laraba, Janairu 25, 2017 at 10:20 Yamma daga Mudathir Ishaq 2 - tsawon mintuna

- 'Yan sanda a kasar Afirka ta kudu sun gano wasu 'yan China masu fatauci da kasuwancin fata da naman jaki.

- An gano fatar jaki sama da 5,000 a cikin wani wurin ajiya a wata gona da ke kusa da birnin Benoni a lardin Gauteng.

Abun da China keyi da naman jaki zai baka mamaki (Karanta)

Babu wanda aka kama amma masu binciken suna fatan cewa ma'aikatan gonar za su iya gane wadanda ke aike wa da fatun a cewar jaridun Mail da Guardian.

An tara kuma aka boye fatun, wanda aka wanke tsaf da gishiri a bayan wasu tsoffin kujeru da wasu kayan aikin gona.

KU KARANTA KUMA: Tsohon ministan kwadago ya koma jam’iyyar APC

China tana amfani da sinadarin gelatin da ake samu a jikin jaki wajen hada magunguna da magungunan kara ni'imar mata da kuma mayukan hana alamun tsufa.

Kasuwancin wanda ake yi a halasce kuma wasu lokutan a haramce na da darajar miliyoyin daloli, sai dai yana barazana ga yawan jakai da ke wasu kasashen Afirka.

A bara ne dai Najeriya da Burkina Faso suka hana fitar da jakai daga kasashen.

Ba wannan ne karon farko da bukatar da China ke yiwa jakuna ke jawo ce-ce-ku-ce a baya-baya nan ba.

A watan Satumbar da ya gabata ne dai Nijar ta hana fitar da jakai, inda ta yi gargadi cewa ninki da aka samu a kasuwancin yana barazana a yawan jakunan da take da su.

Sinadarin gelatin da ake samu daga jikin jaki na matukar tsada a China a matsayin wani sinadarin magani wanda ke inganta jini da kara karfin garkuwar jiki da kuma kara kuzari.

A wasu lokutan ana kiransa "Three nourishing treasure".

KU KARANTA KUMA: Zaben Gwamnan Jihar Anambra: Soludo yaci damara

Ana samar da sinadarin gelatin da ya yi fice ne a wani yankin da ke Arewa maso Kudancin lardin Shandong, inda ake yin sa da ruwan rijiyar garin.

Ana hada Sinadarin gelatin da wasu 'yan'yan itatuwa da abinci mai kara jini a sayar da shi a matsayin abin kwadayi.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng