Labarai

Ta rubuta Al-Qur’ani gaba daya da tawadan ruwan Zinari

Jummaʼa, Disamba 02, 2016 at 10:47 Safiya daga Mudathir Ishaq 1 - tsawon mintuna

Idan mutum ya gamsu da addininsa, ba abinda zai gagareshi yi ma addinin nasa.

Ta rubuta Al-Qur’ani gaba daya da tawadan ruwan Zinari — Malama Tünzale Memmedzade

An samu wata kasaitacciyar marubuciya yar kasar Azerbaijan mai suna Tünzale Memmedzade data rubuce Al-Qur’ani gaba daya, bango zuwa bango da tawadan ruwan Zinari da na Azurfa.

Wannan lamari na Marubuciyar nan yayi matukar daukar hankalin al’ummar Duniya gaba daya, saboda mamakin yadda ta kwashe shekaru 3 tana gudanar da wannan aiki.

KU KARANTA:An dambace tsakanin Gwamna da dan majalisa

Baya da amfani da tawadan ruwan Azurfa da Zinari, Marubuciya Tünzale Memmedzade tayi amfani da kyallen Siliki a matsayin fallen takardan rubutun. Malama Tünzale Memmedzade mai shekaru 33 tace dalilinta na yin wannan aikin shine sakamakon an rubuta Qur’ani akan abubuwan rubutu daban daban, amma ba’a taba rubuta shi ba a kan kyallen Siliki.

Sai dai Malama Tünzale Memmedzade tayi amfani da samfurin Qur’ani bugun kasar Turkey, wanda ma’aikatan kula da al’amuran addinin musulunci na kasar ta fitar.

Zaku iya samun labaran mu a shafin Tuwita @naijcomhausa

&feature=youtu.be

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng