Labarai

An haifi jariri ba tare da dubura ko mazakuta ba

Laraba, Nuwamba 09, 2016 at 5:14 Yamma daga Mudathir Ishaq 1 - tsawon mintuna

An bayyana hotunan wani jariri da aka haifa a garin Onitsha wanda yazo ba tare da dubura ko mazakuta ba, hakan ya sanya likitoci rasa gane jinsin jaririn.

An haifi jariri ba tare da dubura ko mazakuta ba

Domin samun damar yin fitsari da kashi, sai da likotoci suka yi tiyata a cikinsa, ta haka ne aka fitar da fitsarin da kashin.

Wannan hali da wannan sabon haihuwar ya sanya iyayen sa Charles Ibeh siyar da dukkanin abinda suka mallaka tare da dakatar da yayansu uku zuwa makaranta sakamakon kudaden da suke kashewa wajen duba lafiyar jaririn, ko jaririya za’a ce.

KU KARANTA: Barnar da harin tsagerun Neja Delta ke haifarwa

Wannan lamari mai cike da al’ajabi ya samo asali ne tun lokacin da Uwar mai suna Uchenna Ibeh ta fara nakuda, inda aka garzaya da ita wani asiti mai zaman kansa a garin Onitsha, a nan aka gano cewar dan nata yazo da nakasa, saboda gabadaya hanjinsa a waje yake, kuma an kasa gano duburarsa da mazakutarsa.

Iyayen wannan jariri na rokar jama’a, kungiyoyi da gwamnatoci dasu taimaka musu, sun bada adireshin su kamar haka “Charles and Uchenna Ibeh, No 19b Old Hospital Road, Onitsha, Anambra State, Nigeria. Lambar waya: 08037773562”

Sai dai, likitoci a asibitin koyarwa na tunawa da Nnamdi Azikwe dake jihar Anambra sun shiga rudani kan yadda zasu shawo kan lamarin wannan jariri.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng