Labarai

Mutane 4 sun rasa rayuka a rikicin yan kungiyar asiri

Alhamis, Nuwamba 03, 2016 at 8:38 Yamma daga Mudathir Ishaq 1 - tsawon mintuna

Kimanin mutane hudu aka kashe a ranar 2 ga watan Nuwamba yayin rikici ya balle tsakanin wasu kungiyoyin asiri a garin Ilorin a jihar Kwara.

Mutane 4 sun rasa rayuka a rikicin yan kungiyar asiri

Jaridar Leadership ta ruwaito rikicin ya fara ne a ranar Litinin 31 ga watan Oktoba a unguwar Gaa-Akanbi cikin birnin Ilori yayin da wasu kungiyoyin asiri dake gaba suka afka ma juna, inda aka kashe wani matashi mai shekaru 20.

Majiyar mu tace rikicin ya isa har zuwa yankin kasuwar Ipata da unguwar Kankatu a ranar Talata 1 ga watan Nuwamba inda aka kashe mutane biyu. Kisan ya faru ne da misalin karfe 4 na yamma da karfe 9 na yamma a kusa da gadar Amule na unguwar Kankatu.

KU KARANTA: Buratai ya baiwa daliban jihar Nasarawa 150 gurbi a NDA

Hakazalika wasu gungun matsafa sun kashe wani mutum dake kan hanyarsa ta zuwa aiki a ranar Laraba a unguwar Odota da misalin karfe 10 a safe.

Kaakakin rundunar yansandan jihar Kwara Ajayi Okasanmi ya tabbatar da faruwar lamarin, kuma yace sun fara gudanar da bincike game da kashe kashen.

A wani labarin kuma, yansanda sun hallaka wasu yan fashi su biyu yayin wani artabu da sukayi a a jihar Delta. Wadanda aka kashe tare da abokinsu daya sha da harbin bindiga a jikinsa sun yi ma wani mutumi fashin kudi da wayoyinsa da misalin karfe 2pm na ranar Talata 1 ga watan Nuwamba.

&index=61&list=PL6sEiOi0w1ZCJ2pYczvQeEWNY5u811xJt

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng