Labarai

Ango da kuka a bikinsa

Talata, Oktoba 25, 2016 at 2:40 Yamma daga Mudathir Ishaq 2 - tsawon mintuna

- A bisa al’ada ba safai namiji ke yin kuka ba, komai wuya, komai dadi, watakila ko domin danganta hakan ga raunin zuciya wanda aka fi sani tattare da mata

- A wani sauyi na zamani na angwaye ne ke kuka kuma amare na rarrashinsu a kuma bainar jama'a

A bisa al’ada musamman ta ‘yan Afrika, zubar da hawaye ga namiji ba karamin abin kunya ba ne musamman a bainar jama’a, saboda amsa sunan namiji, na nufin karfi da juriya, da kuma jarumta a kowanne lokaci, haka ma zubar da hawaye ya ke, kuma ake danganta shi ga mata.

A al’adar bahaushe ta asali mace idan ba ta yi kuka ba lokacin aurenta ba, to hakika ta yi abin fadi, ko a wurin kamu, ko a lokacin kai ta gidan miji, ko kuma a gidan mijin nata kafin ‘yan uwa da dangi su tafi su bar ta, amma a bisa sauyin zamani sai ga shi a yau namji na kuka a ranar bikinsa a kuma a bainar jama’a.

Bisa tsarin al’adu da yawa zubar da hawaye ga namiji tamakar faduwar gaba ce, wanda masu iya magana ke cewa, hasarar namiji ce, sai dai a wadansu lokuta wadansu abubuwa na taba zukatun mazaje da ke kai ga zubar da hawaye.

Shin kuka ya dace da ango a ranar bikinsa, kuma amarya ta rarrashe shi a bainar jama'a? Menene ra’ayinku dangane da hakan, ku bayana ra'ayinku a shafinmu na Facebook

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng