Labarai

Allah sarki, Mutuwa rigar kowa

Jummaʼa, Oktoba 14, 2016 at 3:25 Yamma daga Mudathir Ishaq 1 - tsawon mintuna

Shugabannin kasashen duniya na ta ci gaba da aika sakonin ta’azziya bayan mutuwar sarkin da akace yafi kowane sarki dadewa yana sarauta a duniya, watau Sarki Bhumibol Adulyadej, sarkin kasar Thailand.

wanda ya rasu yana da shekaru 88 a duniya, wanda akuma akace galibin mutanen kasarshi su milyan 67 basu taba sanin wani sarki ba, bayansa a duk rayuwarsu.

Marigayin sarki Bhumiboldai ya hau gadon sarautar kasar tasu yana matashi dan shekaru 18 ne kacal a shekarar 1946– ma’ana ya share zunzurutun shekaru 70 ke nan cur yana sarautar kasar taThailand!

Dubban mutane a kasar Thailand sun fito domin nuna alhini da kuma girmamawa ga sarki Bhumibol Adulyadej wanda ya mutu a jiya alhamis bayan ya shafe shekaru saba'in akan karagar mulki.

Mutanen dai sun saka bakin kaya a jikinsu inda suka jeru a fadar sarkin da ke Bankok.

An kuma yi kasa-kasa da tutoci a kasar Thailand, bayan mutuwar sarki Bhumibol Adulyadej, wanda ya shafe shekaru saba'in akan karagar mulki.

Yayinda aka fara zaman makokin na shekara guda a hukumance, an watsa tarihin rayuwar sarkin a kafafan talbijin na kasar.

Siwarnart Phranan yar kasar Thailand ta bayyana cewa yanzu a Thailand kowa na cikin alhini.

Babban rashi ne akayiwa al'ummar kasar.

Kuma za a cigaba da tuna sarkin a koda yaushe.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng