Shugaban EFCC ya yanki jiki ya fadi yayin da yake magana a dakin taro

Shugaban EFCC ya yanki jiki ya fadi yayin da yake magana a dakin taro

  • Shugaban hukumar EFCC, Abdulrasheed Bawa ya yanki jiki ya fadi yayin da yake jawabi
  • Ministan sadarwa da sauran jiga-jigan gwamnati sun taro shi kana suka fita dashi a dakin taron
  • An sanar da cewa, zuwa yanzu shugaban na EFCC ya farfado, amma dai bai dawo dakin taron ba

Abuja - Shugaban Hukumar Yaki da Yiwa Tattalin Arzikin Kasa Ta’annati (EFCC), Abdulrasheed Bawa ya yanki jiki ya fadi a bikin ranar kasa ta uku a Banquet Hall Villa, Tribune Nigeria ta ruwaito.

Bawa wanda ke isar da sakon fatan alheri ba zato ba tsammani ya carke, ya koma kan kujerarsa, ya yanki jiki ya zube.

Bawa ya tsaya da magana ya rufe fuskarsa da tafin hannunsa na dama, yana mai cewa,:

Kara karanta wannan

Shugaban hukumar yaki da cin hanci da rashawa Abdulrasheed Bawa yana cikin koshin lafiya - EFCC

"Don Allah, ku gafarce ni, ba zan iya ci gaba ba."
Yanzu-Yanzu: Shugaban EFCC ya yanki jiki ya fadi yayin da yake magana a wani taro
Abdulrasheed Bawa, shugaban EFCC | Hoto: dailytrust.com
Asali: UGC

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Ministan Sadarwa da Tattalin Arzikin Dijital, Farfesa Isa Pantami, da wasu manyan mutane sun rike shi, bayan wani lokaci, aka yi masa jagora ya fita daga zauren taron.

A cewar rahoton Daily Trust Jagoran Bikin (MC) daga baya ya ba da sanarwar cewa yanayin Bawa ya dan warware.

A cewarsa:

"Ina mai farin cikin sanar da ku cewa Shugaban EFCC a yanzu ya warware."

Amma shugaban da wadanda suka hanzarta fitar da shi har yanzu basu komo cikin zauren ba har zuwa lokacin hada wannan rahoton.

Abun bakin ciki: Shugabar NBA Abuja, Hauwa Shekarau ta rasu bayan yar gajeriyar rashin lafiya

Kungiyar lauyoyin Najeriya (NBA) reshen Abuja ta rasa shugabarta, Hauwa Shekarau a ranar Laraba, 15 ga watan Satumba.

Kara karanta wannan

Yanzu-yanzu: Lauyoyin AbdulJabbar sun janye daga karesa a kotu

A cewar sakataren NBA reshen Abuja, Prince Adetosoye, Hauwa ta rasu bayan ta yi fama da gajeriyar rashin lafiya, jaridar Punch ta rahoto.

Sanarwar da Adetosoye ya fitar kan wannan babban rashi ya zo kamar haka:

“Cike da bakin ciki da nauyin zuciya nake sanar da rasuwar shugabarmu, wacce ta rasu da safiyar yau, 15 ga Satumba 2021 bayan gajeriyar rashin lafiya.

"Zan yi karin bayani game da tsare-tsare da shirye-shiryen jana'izarta daga baya."

Hauwa ta kasance fitacciyar mai fafutukar jinsi, mai fafutukar kare hakkin dan adam, kwararriyar mai shiga tsakani kuma mai sasantawa, Sahara Reporters ta ruwaito.

Yadda wani mutum ya dirka wa direban keke-napep duka nan take ya mutu

A wani labarin, an zargi wani direban keke-napep mai suna Kola Adeyemi da laifin dukan wani dan uwansa mai keke-napep a Ilorin, babban birnin jihar Kwara.

Kara karanta wannan

Da duminsa: Jarumin Kannywood, Yusuf Barau, ya riga mu gidan gaskiya

Daily Trust ta tattaro cewa wanda ake zargin, Kayode Oluwatomi, wanda aka fi sani da “lawyer” ma’aikaci ne na kamfanin tuntuba na BYC da ke yankin Irewolede a Ilorin. An ce ya farma mamacin ne saboda ya bugi abin hawansa ta baya.

Tribune Nigeria ta bayyana cewa, lamarin ya faru ne a ranar Litinin 14 ga watan Satumba da misalin karfe 4:30 na yamma.

Asali: Legit.ng

Online view pixel