Da duminsa: Barde Kerarriyan Zazzau, Alhaji Buhari Aminu, ya rasu

Allah ya yiwa Barde Kerarriyan Zazzau, Alhaji Buhari Aminu Chiroma, rasuwa, kamar yadda Masarautar Zazzau ta sanar da daren Talata.

Masarautar ta bayyana hakan ne a shafinta na Tuwita inda tace: “Inalillahi wa inna illaihir rajiun, cikin alhini muke sanar da rasuwar Alhaji Buhari Aminu Chiroma, sabon Barde Kerarriyan Zazzau; Allahummaghfir lahu warhamhu wa sakkinhu fil jannah,.”

Rasuwar Alhaji Buhari Aminu Chiroma na zuwa ne kasa da mako uku da nada shi a sabon sarautar.

Marigayin na cikin sabbin mutanen da Sarkin Zazzau, Ahmed Nuhu Bamalli, ya baiwa sarauta makonnin baya.

Asali: Legit.ng