Labarai

Yanzu-yanzu: Tsohon gwamnan jihar Sokoto, Garba Nadama, ya rasu

Litinin, Mayu 04, 2020 at 10:05 Yamma daga Abdul Rahman Rashid 1 - tsawon mintuna

Inna lillahi wa inna ilaihi raji'un Allah ya yiwa Tsohon gwamnan jihar Sokoto, Garba Nadama, rasuwa.

Ya rigamu gidan gaskiya ne daren Litinin bayan gajeruwar rashin lafiya da yayi fama da shi.

Majiya daga iyalansa sun bayyana cewa nan ba da dadewa ba za'a sanar da lokacin jana'izarsa.

An zabi marigayin ne matsayin mataimakin gwamnan jihar Sokoto a shekarar 1979 kuma ya zama gwamna a watan Nuwamban 1980 bayan rasuwar gwamna Shehu Kangiwa.

Daga baya ya sake takara gwamna a 1093 karkashin jam'iyyar National Party of Nigeria, NPN kuma ya samu nasara.

Yanzu-yanzu: Tsohon gwamnan jihar Sokoto, Garba Nadama, ya rasu — Garba Nadama, ya rasu
Asali: Facebook

Asali: Legit.ng

Authors:

Abdul Rahman Rashid Rashidah Abdul Rahman 'yar jarida ce kuma dalibar ilimi wacce ta kwashe shekaru kimanin hudu yanzu tare da shararriyar jarida Legit. Ta samu gogewa a ɓangaren rubutun labarai akan fannoni shatta, wanda suka hada da siyasa, kasuwanci, wasanni, nishadi, dss. Zaku tuntubarta a akwatin email: abdulrahman.rashidah@corp.legit.ng