Yanzu-yanzu: EFCC ta gurfanar da Mompha, babban dan damfara

Yanzu-yanzu: EFCC ta gurfanar da Mompha, babban dan damfara

Hukumar hana almundahana da yiwa tattalin arzikin kasa zagon kasa wato EFCC ta gurfanar da Ismaila Mustapha, alias Mompha, da ake zargi da damfara a babban kotun tarayya dake jihar Legas.

EFCC na zargin Mompha da laifukan damfarar yanar gizo da safarar kudade daban-daban har 14.

Mukaddashin shugaban hukumar EFCC, Ibrahim Magu ya bayyana cewa zuwa yanzu sun kaddamar da cikakken bincike a kan kasurgumin barawon nan Ismaila Mustapha wanda ya shahara wajen damfara da satar kudi ta yanar gizo.

Magu ya bayyana cewa Ismail Mustapha ya saci makudan kudade da suka kai naira biliyan 14 ta kamfaninsa mai suna Imalob Global Investment Limited, sa’annan yana amfani da asusun ajiyan kudi na banki guda 51.

Magu ya bayyana haka ne yayin da yake ganawa da manema labaru a ofishin EFCC dake jahar Kano, inda yace Mompha ya mallaki kadarori da dama a Dubai, baya ga agoguna guda 5 da aka kwace daga hannunsa da suka kai naira miliyan 60.

“Kama Ismaila Mustapha Mompha da abokin ta’asansa Hamza Koudeih saboda hannu da suke dashi cikin zamba, damfara da satar kudi ta yanar gizo, babban nasara ne a garemu, kama mutanen ya bamu kwarin gwiwa a yakin da muke yi da rashawa.

“Haka zalika shi ma abokin ta’asansa, Koudeih yana da wasu kamfanoni guda biyu, THK Services da CHK Properties wanda ya yi amfani dasu wajen satar kudi naira biliyan 19. Koudeih na zama ne a wani dakin alfarma a Otal din Eko Atlantic Pearl Tower Victoria Island inda yake biyan dala miliyan 5 a shekara.” Inji shi,.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Tags:
Mailfire view pixel