Zaben Bayelsa: Yan jarida sun tsallake rijiya da baya yayinda kwale-kwale ya kife da su

Zaben Bayelsa: Yan jarida sun tsallake rijiya da baya yayinda kwale-kwale ya kife da su

Wani kwale-kwale dauke da yan jarida a garin Sampou, karamar hukumar Kolokuma Opokuma ta jihar Bayelsa ya kife cikin rafi.

Yan jaridan sun shiga ne domin samo labarai kan yadda abubuwa ke wakana a zaben yau.

Bayan kammala dauko rahoton zabe inda suka je, suna hanyar dawowa ne kwale-kwalen ya zubar da su cikin rafi amma wasu yan gari suka tsamosu cikin ruwa.

Wayoyi, kamara da kayan aikinsu duk sun nutse.

An yi ambaliya a unguwar da rumfar zaben dan takaran jam'iyyar Peoples Democratic Party, PDP, Sen. Douye Diri, ya kada kuri'arsa, shi yasa yan jaridan suka shiga kwale-kwale.

Ambaliyan ya janyo jinkiri sosai kafin aka kaddamar da zabe misalin karfe 10 na safe.

KARANTA: KAI TSAYE: Yadda zabe ke gudana a jihar Bayelsa (Hotuna)

Wuraren da irin wannan ambaliya ya shafa sun hada da, Amasoma, Yenagoa da Sagbama.

A bangare guda, Hukumar Zabe mai zaman kanta na kasa (INEC) bayyana dalilin da yasa aka samu jinkirin fara zabe a rumfar zaben tsohon shugaban kasa Goodluck Jonathan dake jihar Bayelsa.

INEC ta ce 'yan daba da suka kai wa ma'aikatan ta hari a karamar hukumar Ogbia ne suka yi dalilin jinkirin.

Hukumar ta ce wannan shine dalilin da yasa aka samu jinkirin awanni uku kafin aka fara jefa kuri'a a akwatin zaben tsohon shugaban kasar Goodluck Jonathan.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit.ng

Tags:
Mailfire view pixel