Karancin wurin zama: Gwamnatin tarayya za ta gina gidaje 30,000 a sassan Najeriya daban-daban

Karancin wurin zama: Gwamnatin tarayya za ta gina gidaje 30,000 a sassan Najeriya daban-daban

Gwamnatin tarayya ta bayyana aniyarta na ginin gidaje 30,000 a sassa shida na Najeriya, a matsayin hanyar rage fatarar muhallin da ake fama da ita a kasar.

Mukaddashin Daraktan hukumar gidaje ta gwamnatin tarayya, Umar Gonto ne ya fadi wannan maganar a lokacin da yake ganawa da kwamitin gidaje da muhalli na Majalisar wakilai ranar Laraba 16 ga watan Oktoba.

KU KARANTA:Jami’ar Adamawa ta bayyana wata matsalar da ke ci mata tuwo kwarya

Daraktan ya ce, banda ginin gidajen da gwamnatin ke yi a wasu jihohin kasar nan. Gwamnatin za ta sake gina wasu gidaje 30,000 wadanda za a raba a sassa guda shida dake kasar.

A cewar Gonto gwamnatin za tayi hakan ne domin rage fatarar gidaje da ake fama da ita a kasar nan. Tun a shekarar 2005 aka cire hukumar gidaje ta gwamnatin tarayya daga kasafin kudin kasa, inji Gonto.

Wannan dalilin ne ya sanya hukumar ta FHA ke amfani da ‘yan kasuwa domin yin ginin gidaje. Haka zalika, akwai shirye-shirye na musamman na samar da gidaje a Arewa maso Gabas a matsayin gudunmuwa ga ‘yan gudun hijira.

Ana shi jawabin, Shugaban kwamitin gidaje na majalisar wakilai, Mustapha Bala Dawaki (APC, Kano) ya jinjinawa hukumar a kan irin kokarin da take yi na ganin cewa ta sanya farin ciki ga fuskokin ‘yan Najeriya.

Ya kuma kara da cewa, gwamnatin tarayya za ta bayar da biliyan N10 a matsayin tallafi ga hukumar domin cigaba da ginin gidaje a fadin Najeriya.

https://www.dailytrust.com.ng/housing-deficit-fg-to-build-30000-houses-in-six-zones.html

Ku biyo mu a https://facebook.com/legitnghausa

ko a http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Source: Legit

Tags:
Mailfire view pixel