Boko Haram: Yi wa doka da'a ya sa Jonathan ya fasa tsige gwamnonin wasu jihohi 3 na Arewa

Boko Haram: Yi wa doka da'a ya sa Jonathan ya fasa tsige gwamnonin wasu jihohi 3 na Arewa

Tsohon ministan shari'a kuma lauyan koli na kasa, Mohammed Adoke, ya yi karin haske dangane da dalilai da suka sanya tsohon shugaban kasa Goodluck Jonathan, ya fasa sauke gwamnonin wasu jihohin Arewa uku duk da an kaddamar da dokar ta baci a sanadiyar ta'addancin kungiyar masu tayar da kayar baya ta Boko Haram.

Ana iya tuna cewa, a yayin da ta'addancin Boko Haram ya ta'azzaa, tsohon shugaban kasa Jonathan a ranar 13 ga watan Mayun 2013, ya shimfida dokar ta baci a wasu kananan hukumomi na jihohin Adamawa, Yobe da kuma Borno.

Duk da wannan hukunci da tsohon shugaban kasar ya dauka, bai sauke gwamnonin jihohin ba da kuma shugabannin kananan hukumominsu, lamarin da ya janyo masa suka gami da caccaka a tsakanin makarabban gwamnatinsa da kuma mambobin jam'iyyar sa ta PDP.

A yayin da wannan hukunci ya bai wa jam'iyya mai ci a wancan lokaci damar tsige gwamnonin jam'iyyar APC, tsohon shugaban kasa Jonathan ya yi watsi da muradinsu tare da cewa aiwatar da hakan ya sabawa dokar kasa da kundin tsari mulki.

Tsohon ministan shari'a kuma lauyan koli na Najeriya, Mohammed Adoke, shi ne ya bayyana hakan cikin wani sabon littafi da ya wallafa mai taken tuna baya a kan nauye-nauyen da ke kan tsaffin lauyoyin koli na Najeriya.

KARANTA KUMA: Hafiz Idris daga jihar Borno ya lashe musabakar Al-Qur'ani ta duniya a Saudiya

A cewar Adoke, Jonathan ya hau kujerar naki ta ribatar dokar ta baci da ya shimfida wajen tsige-tsige gwamnonin uku, duk da shan suka da caccaka ta manyan kusoshin gwamnatinsa da suka hadar da ministoci da magoya bayan jam'iyyar PDP.

Tsohon ministan ya ce ya shawarci Jonathan a kan sauke gwamnonin uku tun da babu wata doka a kasar da ba shi damar aiwatar da hakan.

Sanarwa: Mun gode da kasancewarku tare damu yayin da shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar ba mu labari, tuntube mu a: labaranhausa@corp.legit.com

Ku biyo mu a shafukan mu na dandalin sada zumunta:

https://facebook.com/legitnghausa

https://twitter.com/legitnghausa

Asali: Legit.ng

Online view pixel