Osinbajo: ‘Yan Siyasa su na cikin masu kawo wahalar samun zaman lafiya

Osinbajo: ‘Yan Siyasa su na cikin masu kawo wahalar samun zaman lafiya

Mataimakin shugaban Najeriya, Farfesa Yemi Osinbajo, ya fito ya koka da yadda wasu daga cikin ‘yan siyasan kasar nan su ke amfani da rikicin addini da kabilanci da a ke yawan fama da shi.

Yemi Osinbajo ya ke cewa manyan ‘yan siyasa ne su ka jawo a ka gaza samun zaman lafiya. Osinbajo ya ce ‘yan siyasa na cin galabar bakar tsanar da ke yawo a cikin zukatun jama’a.

Farfesa ya yi wannan bayani ne a lokacin da ya ke jawabi wajen bikin taya tsohon gwamnan jihar Ogun, Olusegun Osoba murnar cika shekara 80 a Duniya inda a ka kaddamar da littafin tarihinsa.

Osinbajo ya ce daga cikin rikicin da ‘yan siyasa su ka jefa kasar nan shi ne jawo rashin yadda da jituwa a tsakanin mutane. Osinbajo ya ce akwai bukatar a kawo karshen irin wannan matsalar.

KU KARANTA: An damke 'Yan Shi'a 40 bayan rikicin da a ka yi a Majalisa

Mataimakin shugaban kasar ya ce a na cin moriyar sabanin addini da kabilancin da a ka samu, wanda a cewar sa hakan ba karamin hadari ba ne inda ya nemi a yi maganin wannan mugun nufi.

Tsohon Sakataren gwamnatin Najeriya, Babagana Kingibe, a na sa jawabin, ya nuna cewa babu wani bangaren Najeriya da bai da amfani don haka ya nemi kaf mutanen kasar su hada-kan su.

Manyan ‘yan siyasa irin su jigon jam’iyyar APC watau Asiwaju Bola Tinubu sun halarci wani taron da tsohon shugaban kasa Janar Abdussalami Abubakar ya jagoranta a karshen makon nan.

Idan kuna da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewa tare da mu.

Ga masu bukatar manhajar mu na Azumi a wannan wata mai albarka sai a bibiyi wannan shafi https://fb.gg/play/ramadan_ramadan

Source: Legit

Mailfire view pixel