AFCON: Marigayi Keshi na ke so mu lashewa kofin Afrika – Inji Musa

AFCON: Marigayi Keshi na ke so mu lashewa kofin Afrika – Inji Musa

‘Dan wasan gaban kungiyar kwallon kafa na Super Eagles, Ahmed Musa, ya bayyana cewa ya na harin lashe gasar cin kofin Nahiyar Afrika da a ke bugawa ne saboda Marigayi Stephen Keshi.

Babban ‘Dan wasan ya nuna sha’awarsa na sake lashe kofin na Afrika a wannan shekarar kamar yadda ya taki nasara a 2013 lokacin da Marigayi tsohon Koci Stephen Keshi ya jagoranci kasar.

Ahmed Musa ya bayyanawa CAF Online cewa babu abin da ya fi dadi kamar ‘dan wasan kwallo ya samu nasara da kasarsa. Super Eagles ta gaza zuwa gasa biyu na baya da a ka buga a Nahiyar.

Musa ya ce:

“Idan mu ka lashe wannan gasam zan sadaukar da nasarar ne ga Marigayi Stephen Keshi wanda ya kasance kamar Mahaifi a wuri na. Ba abu bane mai sauki rashin mutum na musamman.”

KU KARANTA: Buhari ya ji dadin nasarar da Super Eagles ta samu a kan Kamaru

Ahmed Musa ya ce ya shaku sosai da tsohon Kocin na Super Eagles, kuma shi ne ya ke taimakawa wajen tunzurasa wajen zama abin da ya zama.

‘Dan wasan gaban ya kara da cewa:

“Akwai abubuwa sosai da na koya wajen sa (Keshi) a matsayinsa na ‘Dan Adam kuma Mai horaswa. Mu ‘Yan wasansa, mu na kewarsa. Kuma a matsayin mu na ‘Yan kasa, mu na cigaba da yi masa a addu’a. Zai yi kyau mu ci wannan kofin saboda shi.”

Tsohon ‘dan kwallon na Leicester City ya kuma bayyana cewa Najeriya ba ta tsoron kowace kasa a Gasar duk da ya san cewa babu kasar rainawa a Afrika. Musa ya ce za su yi iyaka bakin kokarinsu.

Idan kuna da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewa tare da mu.

Ga masu bukatar manhajar mu na Azumi a wannan wata mai albarka sai a bibiyi wannan shafi https://fb.gg/play/ramadan_ramadan

Source: Legit

Mailfire view pixel