Boko Haram ta kashe a kalla mutane 26 a Kamaru

Boko Haram ta kashe a kalla mutane 26 a Kamaru

Mayakan kungiyar Boko Haram da ke kai hare-hare a Najeriya sun kashe a kalla mutane 26 a wani mummunan hari da suka kai a kasar Kamaru a cewar wata majiya daga hukumomin tsaro.

"An kashe sojoji 17 da farar hula 9" cikin wani hari da aka kai a safiyar ranar Litinin a wani tsibiri da ke kasar Kamaru kusa da Tafkin Chadi, kamar yadda jami'in tsaro ya shaidawa AFP.

Da farko, a ranar Litinin an ruwaito cewa sojojin Kamaru uku ne aka kashe a harin tare da farar hula da ba a tabbatar da adadin su ba a wata harin da aka kai a sansanin sojoji.

DUBA WANNAN: Abubawa 5 da ya kamata ku sani kan sabon kakakin Majalisar Wakilai, Femi Gbajabiamila

Jami'in tsaron ya shaidawa AFP a ranar Talata cewa harin na Boko Haram ya yi janyo bata kashi tsakanin sojin Kamaru da 'yan ta'addan. Ya ce an kama 'yan ta'addan 40 kuma an nemi sojoji bakwai an rasa.

Majiyar ya ce 'yan ta'addan sun kafa tutarsu a Darak kafin daga bisani sojoji suka fattake su.

Kungiyar ta Boko Haram ta dade tana yunkurin kafa daular musulunci a Arewa maso Yammacin Najeriya kuma daga bisani sun fara yaduwa zuwa kasashen da ke makwabtaka da Najeriya kamar Chadi da Kamaru.

'Yan ta'addan sun kashe a kalla mutane 27,000 tare da raba mutane miliyan 1.8 da muhallinsu.

An kafa sojojin hadin gwiwa tsakanin kasahen Chadi, Kamaru, Jamhuriyar Nijar da Najeriya domin magance 'yan kungiyar ta'addan sai dai har yanzu ba su kammala fattakar 'yan kungiyar daga yankin Tafkin Chadi ba.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit.ng News

Mailfire view pixel