Jinjirin watan Shawwal ya bayyana a kasar Saudiya

Jinjirin watan Shawwal ya bayyana a kasar Saudiya

Ta tabbata gobe Talata take Sallah yayin da sabon jaririn watan Shawwal ya bayyana a kasar Saudiya. Hakika gobe ne 1 ga watan Shawwal na shekarar Alif dubu daya da dari hudu da arba'in bayan hijirar fiyayyen Halitta daga birnin Makkah zuwa Madinah.

A gobe da ta kasance Talata, 4 ga watan Mayun 2019, za a gudanar da shagulgula na bikin karamar Sallah a kasar Saudiya yayin da jaririn watan Shawwal ya bayyana a Yammacin yau bayan an kai azumi na ashirin tara.

Ko shakka ba bu addinin musulunci ya shar'anta yin azumin farilla na tsawon kwanaki ashirin da tara ko kuma talatin a watan Ramadana inda kuma ake gudanar da bikin karamar Sallah watau Eid Ul Fitr yayin da watan jinjirin watan Shawwal ya bayyana.

A yayin da al'ummar Musulmi ke kirdado tare da laluben bayyanar sabon watan Shawwal a Najeriya, a yau ne za a kai azumi na 29 a wannan mafificin wata na Ramadana da aka fara gudanar wa tun a ranar 6 ga watan Mayun 2019.

KARANTA KUMA: Jam'iyyar APC reshen jihar Zamfara ta fatattaki Sanata Marafa da Wakkala

Jaridar Legit.ng ta ruwaito, Sarkin Musulmi Sultan na Sakkwato, Alhaji Abubakar Muhammad Sa'ad, ya hori al'ummar musulmi a Najeriya da su zura idanu tare da fita wajen laluben jaririn Shawwal daga yau daren Talata.

Sanarwa: Ku ci gaba da kasancewa tare da mu yayin da shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.android&pid=solomonovlink

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na dandalan sada zumunta a Facebook ko kuma Twitter:

https://facebook.com/legitnghausa

https://twitter.com/legitnghausa

Ku fa'idantu da manhajar mu ta Azumi a wannan wata mai albarka a wannan shafi:

https://fb.gg/play/ramadan_ramadan

Source: Legit Newspaper

Mailfire view pixel