Buhari ne ya zabi Gbajabiamila a matsayin kakakin majalisa ba Tinubu, inji El-Rufai

Buhari ne ya zabi Gbajabiamila a matsayin kakakin majalisa ba Tinubu, inji El-Rufai

-Shugaban kasa ne ya zabi Gbajabiamila a matsayin kakakin majalisa ba Tinubu ba, a cewar gwammnan jihar Kaduna.

-El-Rufai yayi wannan kalami ne a fadar gwamnatin jihar Kaduna ranar juma'a lokacin da karbar ziyarar tawagar yan majalisa 120 masu kamfe ga Femi/Wase.

Gwamnan jihar Kaduna, Mallam Nasir El-Rufai yayi karin haske akan maganar dake yawo a tsakanin jama’a cewa Bola Tinubu shi ne ke son Femi Gbajabiamila ya kasance kakakin majalisa ta 9, inda gwamnan yace shugaba Buhari ne ya zabe shi ba Tinubu ba.

El-Rufai yayi wannan jawabin ranar Juma’a yayin da tawagar kamfe ta Femi/Wase wacce ke kunshe da yan majalisa 120 ta kai masa ziyarar bangirma a fadar gwamnatin jihar Kaduna.

Buhari ne ya zabi Gbajabiamila a matsayin kakakin majalisa ba Tinubu, inji El-Rufai

Buhari ne ya zabi Gbajabiamila a matsayin kakakin majalisa ba Tinubu, inji El-Rufai
Source: Depositphotos

KU KARANTA:Lalong zai bayyana manufofinsa na wa’adi na biyu ranar 12 ga Yuni

Gwamnan ya kara da cewa, an zabi Femi a matsayin wanda zai kasance kakakin majalisa ta 9 saboda kwarewarsa a siyasa, musamman idan aka yi duba zuwa bangaren majalisar dokoki.

“ Akwai wani rudani kan cewa Bola Tinubu shi ne ya fito da Femi a matsayin dan takarar kakakin majalisa. Amma gaskiyar lamarin shi ne shugaba Buhari ne da kan sa ya fito da shi a matsayin dan takarar saboda jajircewarsa da kwarewa a harkokin majalisar.

“ Wasu daga cikin takwarorinmu sun so kawo kace nace akan lamarin. Sai dai wannan abu sam bai yi tasiri ba saboda duk yadda mutum zai yi sai ya nemi wanda zai samu saukin aiki da shi. Shekara hudu da suka wuce mun dandana kudarmu a hannun majalisar dokoki, a nan Kaduna ni da kaina na zabi kakakin majalisa.

“ Jihar Kaduna ta aminta da maganar Buhari kuma ina tabbatar muku ranar 11 ga watan Yuni da za a kaddamar da sabbin shugabannin majalisa babu wani zabe da za’ayi.” A cewar El-Rufai.

Ku biyo mu a https://facebook.com/legitnghausa

ko a http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

KU LATSA : Domin karuwa cikin wannan wata mai albarka na Ramadan

Source: Legit Newspaper

Tags:
Mailfire view pixel