Na yaba da kwazon aiki na gwamnan jihar Legas Ambode - Buhari

Na yaba da kwazon aiki na gwamnan jihar Legas Ambode - Buhari

Jaridar Legit.ng ta ruwaito cewa, shugaban kasa Muhammadu Buhari ya dawo garin Abuja bayan ziyarar aiki ta yini guda da ya kai jihar Legas a ranar Laraba, inda ya kaddamar da wasu muhimman ayyuka uku da ba bu makamancin su a duk fadin Najeriya.

Yayin ziyarar sa, shugaba Buhari ya kaddamar da sabuwar tashar Motocin haya ta Oshodi, sabbin hanyoyi sufuri a tashar jiragen sama da kuma wani sabon katafaren reshen lafiya na Yara da Mata mai cin gado 170 a asibitin koyarwa na jami'ar jihar Legas.

Na yaba da kwazon aiki na gwamnan jihar Legas Ambode - Buhari

Na yaba da kwazon aiki na gwamnan jihar Legas Ambode - Buhari
Source: Instagram

Bayan kaddamar da muhimman ayyuka da gwamnatin jihar Legas ta aiwatar, karkashin jagorancin , shugaban kasa Buhari ya kwarara yabo gami jinjina ga gwamnan jihar, Akinwunmi Ambode, inda ya bashi lambar yabo da cewa hakika ya shaida irin kwazon aiki da ya yiwa al'ummar sa.

Kamfanin dillancin labarai na kasa ya ruwaito cewa, Buhari yayin yabawa kwazon aiki na gwamna Ambode, ya kuma bayyana farin cikin sa kwarai da aniyya dangane da yadda gwamnan ya bayar da mafificiyar gudunmuwa wajen bunkasa ci gaban Najeriya bakin daya tare da daga martabar ta a idon duniya.

Cikin na sa jawaban, gwamna Ambode ya yiwa shugaba Buhari godiya ta goyon bayan maras yankewa da ya ke ci gaba da bai wa jihar Legas tun yayin kafuwar gwamnatin sa tsawon shekaru hudu da suka gabata.

KARANTA KUMA: Najeriya da Ghana sun hada kai domin magance aikata miyagun laifuka ta hanyar yanar gizo

Baya ga gwamna Ambode, tawagar da tayi tarayya da shugaban kasa Buhari wajen kaddamar da muhimman ayyukan ta hadar da gwamnan jihar Oyo Abiola Ajimobi, gwamna Rotimi Akeredolu na jihar Ondo, gwamna Ibikunle Amosun na jihar Ogun da kuma gwamnan jihar Ekiti, Kayode Fayemi.

Sauran tawagar 'ya tawagar sun hadar da kusoshin gwamnatin tarayya ta mambobin majalisar zantarwa da kuma majalisar tarayya, zababben gwamnan jihar Legas mai jiran gado, Mista Babajide Sanwo Olu da kuma mataimakin sa, Mista Obafemi Hamzat.

Sanarwa: Ku ci gaba da kasancewa tare da mu yayin da Shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na dandalan sada zumunta:

https://facebook.com/legitnghausa

https://twitter.com/legitnghausa

Source: Legit

Mailfire view pixel