A dora laifin kashe-kashen Zamfara kan Ministan Tsaro, ba a kan Gwamna Yari ba - Kungiya

A dora laifin kashe-kashen Zamfara kan Ministan Tsaro, ba a kan Gwamna Yari ba - Kungiya

Wata kungiyar sa kai mai neman yancin al’umma, mai suna PAIR, ta dora alhakin munanan hare-haren da ake kai wa jihar Zamfara a kan Ministan tsaro, Mansur Dan Ali, maimakon a kan Gwamna Abdul’aziz Yari na jihar.

Baya ga PAIR kungyoyin SGE, NEO da TPC ma sun daura alhakin a kan ministan, kuma sun ce Dan-Ali bai yin wani gagarimin hobbasan da za a gani har a yaba cewa da gaske ya ke yi wajen ganin an magance fitinar.

Gamayyar Kungiyoyin sun ce Yari ya yi iyakar bakin kokarinsa da dokar kasa ta wajabta masa, ta hanyar bayar da taimakon kayan aiki, sadarwa da bayanai, bayar da gidaje da kuma alawus na musamman ga ‘yan sanda da sojojin da aka tura a Zamafara, ba tare da wani samun taimako daga Ma’aikatar Tsaro ba.

A dora laifin kashe-kashen Zamfara kan Ministan Tsaro, ba a kan Gwamna Yari ba - Kungiya

A dora laifin kashe-kashen Zamfara kan Ministan Tsaro, ba a kan Gwamna Yari ba - Kungiya
Source: Depositphotos

A cikin wata sanarwa da Isa Yaro ya sa wa hannu, a madadin Gamayyar Kungiyoyin, a jiya Lahadi a Abuja, ya nuna rashin jin dadin yadda Gwamnatin Tarayya ta kasa shawo kan wannan fitina a Jihar Zamfara sama da shekara biyu.

KU KARANTA KUMA: Yanzu Yanzu: Buhari yayi jawabi ga shugabannin duniya a Dubai, ya koka kan amfani da na’urar zamani wajen magudin zabe

Isa ya ce tun tuni ya kamata a ce Shugaba Muhammadu Buhari ya kori Ministan Tsaro, Mansur Dan Ali.

Yaro ya ce ya kamata Shugaba Muhammadu Buhari ya yi karatun ta-natsu, ya san irin mutanen da zai nada kan mukamai idan an shiga sabon zangon mulki na biyu a ranar 29 Ga Mayu.

A wani lamari na daban, Legit.ng ta rahoto cewa kimanin rayukan Mutane 12 sun salwanta yayin sabunta wani mummunan rikici na kabilanci a birnin Abakaliki na jihar Ebonyi.

Rincabewar rikici tsakanin kabilar Eyigba ta karamar hukumar Izzi da kuma kabilar Eyibuchiri ta karamar hukumar Ikwo, ta salwantar da rayukan Mutane 12 a birnin Abakaliki na jihar Ebonyi kamar yadda jaridar Daily Trust ta ruwaito.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Source: Legit.ng

Tags:
Mailfire view pixel