Tsaro: An sake tura kwararrun dakaru a yankunan jihar Kaduna da Filato

Tsaro: An sake tura kwararrun dakaru a yankunan jihar Kaduna da Filato

Runduna ta musamman ta dakarun sojojin Najeriya dake kula da tabbatar da tsaro a jihar Filato da kuma kudancin jihar Kaduna ta ce ta kara tura dakarun ta zuwa kauyen Nandu-Gbok dake a karamar hukumar Sanga, jihar ta Kaduna.

Kwamandan rundunar ta musamman, Manjo Janar Augustine Agundu shine ya bayyanawa manema labarai hakan da yake jawabi a wurin wani taron bayar da kiwon lafiya kyauta a ranar Laraba.

Tsaro: An sake tura kwararrun dakaru a yankunan jihar Kaduna da Filato

Tsaro: An sake tura kwararrun dakaru a yankunan jihar Kaduna da Filato
Source: UGC

KU KARANTA: Gwamnatin tarayya zata siyar da hannun jarin Naira biliyan 100

Mai karatu dai zai iya tuna cewa mun labarta maku cewa gwamnatin tarayya ta hada tare da tura wata rundunar hadin gwuiwa ta kwararrun jami'an sojoji da 'yan sanda a kauyen Nandu Gbok dake a karamar hukumar Sanga, jihar Kaduna domin kwantar da tarzoma inda wasu 'yan bindiga suka kashe mutane 9 da kona gidaje 30.

Rundunar hadin gwuiwar dai ta bayar da tabbacin samar da zaman lafiya tabbatacce a kauyen da ma sauran garuruwan jihar tare da kamo wadanda suka aikata laifin domin gurfanar da su gaban alkali don fuskantar shari'a.

Haka ma dai mai karatu dai zai iya tuna cewa mun kawo maku labarin harin da aka kai kauyen na Nandu a ranar Asabar din da ta gabata wanda kuma kawo yanzu babu wadanda suka dauki alhakin kai harin.

Haka ma dai mun ruwaito maku cewa Gwamnan jihar Kaduna, Malam Nasiru El-rufai ya jajantawa al'ummar jihar musamman ma iyalan wadanda harin 'yan binda ya shafa a kauyen Nandu dake a cikin karamar hukumar Sanga wanda yayi sanadiyyar mutuwar mutane 9 da yammacin yau.

Muhimmiyar sanarwa: Shafin NAIJ.com Hausa ya koma legit.ng Hausa. Mun gode da kasancewarku tare da mu.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://web.facebook.com/legitnghausa?_rdc=1&_rdr

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.com

Source: Legit.ng

Tags:
Mailfire view pixel