Tsaffin Jakadu sun nemi a soke maimacin zaben gwamnan jihar Benuwe

Tsaffin Jakadu sun nemi a soke maimacin zaben gwamnan jihar Benuwe

A yau Talata kungiyar Jakadun Najeriya reshen jihar Benuwe, ta jaddada bakuta gami da muhimmancin soke maimaicin zaben gwamnan jihar da za a gudanar a ranar 23 ga watan Maris kamar yadda hukumar zabe ta kayyade.

Da ta ke gabatar da jawabai yayin ganawa da manema labarai cikin birnin Makurdi, kungiyar ta yi kira ga shugaban kasa Muhammadu Buhari da ya shiga cikin lamarin maimaicin zaben gwamnan jihar Benuwe da ka iya tayar da zaune tsaye cikin ta da kuma kasa baki daya.

Gwamna Ortom tare da shugaban kasa Buhari

Gwamna Ortom tare da shugaban kasa Buhari
Source: Twitter

Tsohon jakadan Najeriya a kasar Canada da kuma Mexico, Ambasada Iyorwuese Hagher da ya yi jawabi a madadin sauran tsaffin Jakadu hudu na jihar Benuwe, ya gargadi shugaba Buhari akan gaggawar shiga tare da yin ruwa da tsaki cikin zaben jihar Benuwe domin gudun da na sani.

Ba ya ga kira na neman soke maimacin zaben gwamna, kungiyar a nemi shugaba Buhari da ya shawarci hukumar INEC kan tabbatar da gwamnan jihar Benuwe, Samuel Ortom a matsayin wanda ya yi nasara yayin zaben da aka gudanar a ranar 9 ga watan Maris.

Kungiyar ta yi tuni da cewa, kasancewar su jakadu akwai bukatar shugaban kasa Buhari ya yi azama wajen kare martaba da kuma 'yancin al'ummar jihar Benuwe ta hanyar ba su dama wajen zaben shugabannin daidai ra'ayi domin wanzar da zaman lafiya da kwanciyar hankali.

KARANTA KUMA: Boko Haram: Bayan kai hari, tarzoma ta lafa a garin Michika

Bayan zaben gwamnan jihar da aka gudanar a ranar 9 ga watan Maris, gwamna Ortom na jam'iyyar PDP ya samu gamayyar kuri'u 410,576 yayin da abokin adawar sa na jam'iyyar APC, Emmanuel Jime ya samu kuri'u 339,022.

A yayin da akwai tazara ta kimanin kuri'u 81,554 a tsakanin su, hukumar zabe ta ce zaben bai kammala ba a sanadiyar adadin kuri'u 121,019 da ta soke da ka iya sauya sakamakon sa tare da kaddamar da hukuncin maimaici a wannan mako.

Sanarwa: Ku ci gaba da kasancewa tare da mu yayin da Shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na dandalan sada zumunta:

https://facebook.com/legitnghausa

https://twitter.com/legitnghausa

Source: Legit.ng

Mailfire view pixel