Zaben Kano: Ina ganin mutuncin Kwamishinan ‘Yan Sanda - Kwankwaso

Zaben Kano: Ina ganin mutuncin Kwamishinan ‘Yan Sanda - Kwankwaso

Sanatan Kano ta tsakiya, Rabiu Musa Kwankwaso, yayi hira da ‘yan jarida a jihar Kano yayin da ake shiryawa zaben gwamna da za a karasa a jihar. Sanatan ya tattauna kan batutuwan siyasar Kano.

Tsohon gwamnan jihar Kano Rabiu Musa Kwankwaso yayi magana game da abin da ake ta magana a kai bayan an yi ram da wasu manya a gwamnatin Ganduje mai-ci, wanda ya kira da barayin akwatin cikin gwamnati.

Injiniya Rabiu Kwankwaso ya bada labarin yadda yayi ram da wadanda su kayi kokarin tarwatsa tattara kuri’un karamar hukumar Nasarawa, tsohon gwamnan yace da kan sa ya je ya sha gaban wadanda ake zargi da wannan aiki.

Sanata Rabiu Kwankwaso yace mutanen sa ba su harbe wadanda ake zargi da satar akwatin zabe bane saboda ganin irin adalcin Kwamishinan ‘yan sanda na jihar don haka yayi kokarin mika su gare sa domin ayi hukunci na gaskiya.

KU KARANTA: Mutanen Kano sun komawa Allah domin samun sa’a a zaben Gwamna

Zaben Kano: Ina ganin mutuncin Kwamishinan ‘Yan Sanda - Kwankwaso

Kwankwaso ya yaba da halin kwamishinan ‘Yan Sandan Kano
Source: Twitter

Babban Sanatan na PDP yayi wannan bayani ne a lokacin da ya gana da wasu ‘yan gidan rediyo a gidan sa, yana mai bada tabbacin cewa jam’iyyar adawa ta PDP za ta karbe mulki daga hannun gwamna Dr. Abdullahi Umar Ganduje mai-ci.

Babban ‘Dan siyasar ya nuna cewa Kwamishinan ‘yan sanda Muhammad Wakili, jami’i ne mai mutunci da kuma adalci. Sai dai wasu daga cikin masu rike da madafan iko a gwamnatin Kano su na ganin CP Wakili ya nuna son kai a lamarin sa.

A baya shugaban kasa Buhari dai ya nemi jami’an tsaro su bindige duk wadanda aka kama su na kokarin satar akwatin zabe. Injiniya Kwankwaso yace sanin adalcin ‘yan sanda ya hana su yin hakan.

Idan ka na da wata shawara ko bukatar ba mu labari, a tuntube mu a: labaranhausa@corp.legit.ng

Ku same mu a https://www.facebook.com/legitnghausa

Ko a http://twitter.com/legitnghausa

Latsa wannan domin samun sabuwar manhajar labarai ta LEGIT NG Hausa a wayar ku ta hannu: https://play.google.com/store/apps/details?id=com.naij.hausa

Shafin NAIJ Hausa ya koma LEGIT

Source: Legit

Mailfire view pixel