Yanzu-yanzu: EFCC ta saki lauyan PDP, Tanimu Turaki

Yanzu-yanzu: EFCC ta saki lauyan PDP, Tanimu Turaki

Hukumar hana almundahana da yiwa tattalin arzikin kasa zagon kasa wato EFCC ta saki Tanimu Turaki, babban lauyan dan takaran jam'iyyar Peoples Democratic Party (PDP), Atiku Abubakar a ranar Talata, 5 ga watan Maris, 2019.

Turaki, wanda babban lauya ne ya shiga hannun hukumar yaki da rashawan ne yayinda aka gayyacesa ya sanya hannu kan takardan belin Babalele Abdullahi, surukin Atiku wanda shine akawun kamfanonin Atiku.

Mun kawo muku cewa Hukumar EFCC ta saki surukin Atiku, Babalele Abdullahi, kuma akawun manyan kamfanonin da Alhaji Atiku Abubakar ya mallaka.

An damke surukin Atikun ne ranan Asabar amma aka sake shi bayan ta gayyaci lauyansa, Tanimu Turaki, wanda aka damke ranan Litinin.

KU KARANTA: Har yanzu nine dan takarar gwamnan PDP a Kano - Abba Kabir Yusuf

Kakakin EFCC, Tony Orilade, ya tabbatarwa The Cable cewa an damkesa amma bai bada cikakkun bayanai.

Mai magana da yawun Atiku, Paul Ibe, ya bayyanawa manema labarai cewa Tanimu Turaki ne babban lauyan da ke shirin kai karan shugaba Buhari kotu kan zaben 2019.

Yace: "Shine shugaban lauyoyin da zasu wakilci Atiku a kotu, kaga daga nan zaka gane dalilin da yasa aka kamashi."

"Shin me yasa shugaba Muhammadu Buhari da APC ke tsoron zuwa kotu? Meyasa suke ta tura mutane iri-iri suna rokon Atiku kar yaje kotu.?"

EFCC a ranar Litinin, 4 ga watan Maris tace tana binciken Alhaji Babalele Abdullahi, daraktan kudi na kamfanonin Atiku Abubakar kan zargin satar kudade.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Hausa.legit.ng

Tags:
Mailfire view pixel