Kin amincewa da sakamakon zabe: Abubuwa 6 da Atiku ya fadi a jawabinsa

Kin amincewa da sakamakon zabe: Abubuwa 6 da Atiku ya fadi a jawabinsa

Dan takarar shugabancin kasa na jam'iyyar PDP, Alhaji Atiku Abubakar ya bayyana rashin gamsuwarsa da sakamakon zaben 2019 da Hukumar Zabe Mai Zaman Kanta INEC ta fitar a ranar Laraba 27 ga watan Fabrairu.

Atiku ya yi ikirarin cewa an tafka magudi a zaben kana akwai kurakurai cikin alkalluman da INEC ta wallafa, hakan yasa ya ce zai garzaya kotu domin a bi masa hakkin sa.

Atiku ya yi jawabi da 'yan Najeriya a yau kuma ga muhimman abubuwan da ya fadi a cikin jawabin.

Kin amincewa da sakamakon zabe: Abubuwa 6 da Atiku ya fadi a jawabinsa

Kin amincewa da sakamakon zabe: Abubuwa 6 da Atiku ya fadi a jawabinsa
Source: Depositphotos

1 - Atiku ya mika godiyarsa da dubban al'ummar Najeriya da suka fita kwansu da kwarkwata domin kada kuri'unsu yayin zaben shugabancin kasar na 2019.

2 - Ya yi ikirarin cewa akwai makarkashiya da aka shirya na magudi a wasu johohi masu yawa wadda hakan yasa ba zai amince da sakamakon da aka fitar ba.

DUBA WANNAN: Yadda Buhari ya yi murdiyya wajen lashe zaben 2019 - Sheikh Ahmad Gumi

3 - Atiku ya ce bai amince da adadin kuri'un da aka samu a wasu jihohin da rikicin Boko Haram ya tarwatsa su ba inda wai har sun dara na johihin da ake zaune lafiya.

4 - Ya yi ikirarin cewa anyi amfani da sojoji wurin musgunawa masu kada kuri'a musamman a jihohin Rivers, Akwa Ibom, Imo da wasu jihohin wadda hakan abu ne da ya yi kama da yanayi na mulkin kama karya na soja.

5 - Atiku ya ce da ya sha kaye a zabe na adalci ne da ba zaiyi wata-wata ba wurin kiran wanda ya lashe zabe domin ya taya shi murna kuma ya bayar da gudunmarsa wurin hada kan kasa musamman gyara alaka tsakanin Arewa da Kudu.

6 - Daga karshe Atiku ya yi watsi da sakamakon zaben kuma ya dau alwashin zuwa kotu domin kallubalantar sakamakon zaben.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: : https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Hausa.legit.ng

Mailfire view pixel