Buhari da Atiku za su gudanar da taron yakin zabe na karshe a yau Alhamis

Buhari da Atiku za su gudanar da taron yakin zabe na karshe a yau Alhamis

Mun samu cewa a yau Alhamis, 14 ga watan Fabrairu, shugaban kasa Muhammadu Buhari da kasance dan takarar kujerar shugaban kasa na jam'iyyar APC, da kuma dan takarar kujerar shugaban kasa na jam'iyyar PDP, Alhaji Atiku Abubakar, za su rufe taron su na yakin zabe.

Bisa ga tsari da bibiyar tafarki na doka da hukumar zabe ta kasa mai zaman kanta wato INEC ta gindaya, a yau Alhamis shugaba Buhari zai rufe taron sa na yakin zabe a Mahaifar sa ta jihar Katsina, yayin da dan takara na jam'iyyar PDP zai rufe na sa a mahaifar sa ta jihar Adamawa.

Binciken manema labarai na jaridar The Punch ya tabbatar da cewa, tun a jiya Laraba tawagar shugaba Buhari ta sauka a birnin Katsinan Dikko, inda a yau zai bi sahunta domin gudanar da taron sa na yakin zabe.

Buhari da Atiku za su gudanar da taron yakin zabe na karshe a yau Alhamis

Buhari da Atiku za su gudanar da taron yakin zabe na karshe a yau Alhamis
Source: UGC

Jaridar Legit.ng ta fahimci cewa, bayan girgiza magoya baya a mahaifar sa, shugaba Buhari zai shafe tsawon kwani uku a garin Daura domin kada kuri'ar sa yayin babban zaben kasa da za a gudanar a ranar Asabar gabanin komawa fadar sa ta Villa dake garin Abuja a ranar Lahadi.

A yayin da jam'iyyar PDP ba za ta gudanar da taron yakin zabe ba a jihar Ogun, kazalika Wazirin Adamawa, zai rufe da taron sa na yakin zabe a yau Alhamis cikin birnin Yola wajen neman goyon bayan al'ummar Mahaifar sa.

KARANTA KUMA: Cikin Hotuna: Buhari ya gudanar ta taron yakin zabe a jihar Bayelsa

Rahotanni sun bayyana cewa, a sakamakon dambarwa ta rikicin rabuwar kai a tsakanin jiga-jigan jam'iyyar PDP reshen jihar Ogun, ya sanya Atiku da kusoshin babbar jam'iyyar adawa ta kasa suka yanke shawarar janye taron yakin zabe a birnin na Abeokuta.

Cikin wani rahoton mai nasaba da wannan, a jiya ne shugaba Buhari da kuma Atiku suka yi ido biyu da juna yayin rattaba hannu kan yarjejeniyar amincewa da duk yadda sakamakon zabe ya kasance tare da tabbatar zaman lafiya gabani da kuma bayan zaben na ranar Asabar.

Sanarwa: Ku ci gaba da kasancewa tare da mu yayin da Shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na zaurukan sada zumunta:

https://facebook.com/legitnghausa

https://twitter.com/legitnghausa

Source: Hausa.legit.ng

Mailfire view pixel