Debo ruwan dafa kai: Wani dan sanda ya harbe dan acaba har lahira saboda siyasa

Debo ruwan dafa kai: Wani dan sanda ya harbe dan acaba har lahira saboda siyasa

- Rahotanni sun bayyana cewa wani dan acaba ya gamu da ajalisan a lokacin da wani dan sanda a jihar Ondo ya harbe shi har lahira

- Dan sandan, yana aiki ne a cikin masu tsaron lafiyar wani dan majalisar wakilan tarayya karkashin jam'iyyar SDP da ke wakiltar mazabar Idanre/Ifedore

- Jami'in hulda da jama'a na rundunar 'yan sanda na jihar Mr Femi Joseph, ya tabbatar da faruwar lamarin amma ya ce zai yi cikakken bayani nan ba da jimawa ba

Rahotanni sun bayyana cewa wani dan acaba wanda har yanzu ba a bayyana ko wanene ba, ya gamu da ajalisan a lokacin da wani dan sanda a garin Ipogun, karamar hukumar Ifedore da ke jihar Ondo ya harbe shi har lahira a ranar Alhamis.

Dan sandan, wanda shima har yanzu ba a bayyana sunansa ba, yana aiki ne a cikin masu tsaron lafiyar wani dan majalisar wakilan tarayya karkashin jam'iyyar SDP da ke wakiltar mazabar Idanre/Ifedore a majalisar tarayya, mai suna Tajudeen Adefisoye.

A cewar rahotannin, dan takarar ya fita yakin zabensa na da misalin karfe 6:30 na yamma a lokacin da lamarin ya faru.

KARANTA WANNAN: Zaben shugaban kasa: Kar mu kuskura mu bari Nigeria ta koma hannun maha'inta - Buhari

Debo ruwan dafa kai: Wani dan sanda ya harbe dan acaba har lahira saboda siyasa

Debo ruwan dafa kai: Wani dan sanda ya harbe dan acaba har lahira saboda siyasa
Source: Depositphotos

Legit.ng Hausa ta samu rahoton cewa dan takarar ya isa garin Ipogun domin yakin zabensa, inda dandazon masu acaba suka dumfare shi. A haka ne wani dan sanda da ke tsaron lafiyar dan majalisar ya harbi daya daga cikin 'yan acabar a goshinsa, wanda ya mutu nan take.

Wannan lamari dai ya haddasa barkewar zanga zanga daga abokan aikin wanda aka kashen, inda har suka so gfarwa dan majalalisar, wanda ya sha da kyar tare da tserewa daga wajen.

Rahotanni sun bayyana cewa matasan da suka harzuka, sun kona motocin yakin zaben dan majalisar guda biyu.

Jami'in hulda da jama'a na rundunar 'yan sanda na jihar Mr Femi Joseph, ya tabbatar da faruwar lamarin amma ya ce zai yi cikakken bayani nan ba da jimawa ba.

SANARWA: Shafin jaridar NAIJ.com Hausa ya sauya suna zuwa Legit.ng Hausa. Muna fatan za ka ci gaba da kasancewa tare da Legit.ng Hausa don karanta labarai da dumi duminsu.

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Ku biyo mu a shafukan mu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Source: Hausa.legit.ng

Tags:
Mailfire view pixel