Da duminsa: ASUU tayi watsi da tayin gwamnati, yajin aiki zai cigaba

Da duminsa: ASUU tayi watsi da tayin gwamnati, yajin aiki zai cigaba

- Kungiyar ASUU ta ce mambobinta ba su amince da tayin da gwamnatin tarayya tayi musu ba a yanzu

- Kungiyar ta dage kan cewa sai gwamnatin ta cika alkawurran da ke cikin yarjejeniyar da aka rattaba hannu tun a baya

- Gwamnatin tarayya ta bawa kungiyar N15.4 biliyan a matsayin kudin allawus sannan tayi alkawarin za ta saki wasu kudaden

Daliban jami'o'in Najeriya sun karayya a kan batun komawa makarantunsu a cikin 'yan kwanakin nan sakamakon kin amincewa da kungiyar ASUU tayi da tayin da gwamnatin tarayya tayi mata a farkon wannan makon.

A taron da su kayi a ranar Talata, Ministan Kwadago da Ayyuka, Chris Ngige ya ce ana gab da yin sulhu tsakanin ASUU da kungiyar Kwadago a yayin da ya lissafo sabbin alkawurran da gwamnati tayi wa kungiyar malaman.

Da duminsa: ASUU tayi watsi da tayin da gwamnati, yajin aiki zai cigaba

Da duminsa: ASUU tayi watsi da tayin da gwamnati, yajin aiki zai cigaba
Source: UGC

A cewar Ngige, ofishin babban akawu na Kasa da Ma'aikatan Kudi sun nuna wa ASUU shaidar cewa an amince da bawa jami'o'in Najeriya N15.4 biliyan.

DUBA WANNAN: 'Yan majalisar dokoki 2 sun fita daga APC a Jigawa

Ya kuma ce Shugaba Muhammadu Buhari ya amince da biyan malaman N20 biliyan a matsayin allawus dinsu daga shekarar 2009 zuwa 2012.

Amma a wata hira na musamman da Premium Times tayi da shugaban ASUU, Biodun Ogunyemi a safiyar yau, ya ce mambobin kungiyar daga jami'o'i da dama sun ki amincewa da tayin na gwamnati.

Ya ce 'yan kungiyar suna dage a kan bakarsu na cewa gwamnati su biya wani kaso cikin N220 biliyan da za a kammala biya cikin shekarar 2019.

Ya kuma ce batun allawus din malaman, ba za su amince da wani kaso da ya yi kasa da adadin da gwamnatin ta biya a baya ba na N22.9 biliyan.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: : https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit.ng

Mailfire view pixel