Mutane 10 sun mutu a wurin taron gangami na APC a Katsina

Mutane 10 sun mutu a wurin taron gangami na APC a Katsina

- A kalla mutane 10 ne suka mutu a yammacin ranar Litinin a mabanbantan wurare biyu a jihar Katsina

- Ana zargin wasu 'yan bindiga da kashe mutane 4 a kusa da jami'ar gwamnatin tarayya dake Dutsinma

- Gwamnan jihar Katsina, Aminu Bello Masari, ya yi sharhi a kan yawaitar hare-haren 'yan bindiga a sassan jihar Katsina da makobiyar su, jihar Zamfara

A yayin da ake zargin wasu 'yan dabar siyasa da kashe mutane 6 yayin wani taron siyasa a karamar hukumar Sabuwa, wasu mutane 4 sun rasa ransu a kan hanyar Kankara zuwa Dutsinma a jihar Katsina.

An kashe mutanen ne jim kadan bayan kammala wani taron gangami da jam'iyyar APC ta shirya a karamar hukumar Sabuwa.

Ana zargin wasu 'yan bindiga da kashe mutane 4 a kusa da jami'ar gwamnatin tarayya dake Dutsinma (FUDMA).

'Yan bindigar sun kai wa mutanen hari ne yayin da suke dawowa daga bulaguro a kan titin Kankara zuwa Dutsinma.

Ko a jiya, Laraba, sai da jaridar Legit.ng ta kawo maku labarin cewar gwamnan jihar Katsina, Aminu Bello Masari, ya yi sharhi a kan yawaitar hare-haren 'yan bindiga a sassan jihar Katsina da makobiyar su, jihar Zamfara.

Yayin wata hira da ya yi da jaridar Tribune, Masari ya ce, "abun yana matukar damuna tun lokacin da na hau mulki. Wadannan hare-hare da kashe-kashe sun fara tun kafin 2010, musamman a dajin jihar Zamfara.

Mutane 10 sun mutu a wurin taron gangami na APC a Katsina

Gwamnan Jihar Katsina; Aminu Bello Masari
Source: Depositphotos

"Dajin yana da matukar tsawo kuma ya hade da hanyoyin da su sada mutum da Mali, Nijar, Burkina Faso har zuwa Senegal, ba karamin jeji bane.

"Rigingimun da ake fama dasu a Libya sun matukar taimaka wajen yaduwar makamai zuwa Najeriya da Nijar.

"Akwai nasaba tsakanin aiyukan ta'addanci na kungiyar Boko Haram da abinda ke faruwa a Zamfara da Katsina musamman idan aka yi la'akari da salon kisan mutane da 'yan ta'addar ke amfani da shi.

DUBA WANNAN: Ali Nuhu da Rara sun halarci kaddamar da kamfen din gwamnan APC a arewa

"Mayakan Boko Haram ne ke kashe mutane babu dalili, su ma kuma haka 'yan bindigar ke yi. Wadanda ke samar da makamai ga kungiyar Boko Haram, sune ke samar da makamai ga 'yan bindigar da suka addabe mu."

Kazalika Masari ya bayyana cewar jahilan mutanen dake zaune a cikin kauyukan dajin ne aka yiwa muguwar huduba suke kashe mutane haka siddan, babu wani dalili, saboda basu san darajar ran mutum ba.

"Mutanen dake zaune a kauyakan dake cikin dajin Zamfara da kewaye basu da ilimin fari balle na baki, kungurman jahilai ne dake da halayya irinta dabbobin da suke kiwo. Hakan ne ya sa kafin a farga karamar matsala ta zama babba," a kalaman Masari.

Kazalika ya kara da cewa 'yan ta'addar dake kwararowa daga makobtan kasashe, musamman Mali, na amfani da jahilan mutanen wajen kara tayar da hankula jama'a a yankin.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=ng.legit.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Mailfire view pixel