Zan kammala dukkanin ayyukan da PDP ta watsar a Kudu maso Gabas - Buhari

Zan kammala dukkanin ayyukan da PDP ta watsar a Kudu maso Gabas - Buhari

Da sanadin shafin jaridar The Punch mun samu rahoton cewa, shugaban kasa Muhammadu Buhari, ya sha alwashin kammala dukkanin wasu ayyuka da jam'iyyar adawa ta PDP ta watsar a yankin Kudu maso Gabashin Najeriya.

Mun samu cewa, shugaban kasa Muhammadu ya lashi takobi tare da kudirtar kammala duk wasu ayyuka da babbar jam'iyyar adawa ta PDP ta watsar a yankin Kudu maso Gabashin Najeriya.

Shugaban kasar ya bayyana hakan ne yayin ganawarsa da manema labarai cikin karamar hukumar Ihitte da kuma Uboma ta jihar Imo da ke Kudu maso Gabshin kasar nan a ranar Alhamis din da ta gabata.

Zan kammala dukkanin ayyukan da PDP ta watsar a Kudu maso Gabas - Buhari

Zan kammala dukkanin ayyukan da PDP ta watsar a Kudu maso Gabas - Buhari
Source: Twitter

Majiyar jaridar Legit.ng ta ruwaito cewa, shugaba Buhari ya yi wannan furuci yayin halartar bikin kaddamar katafaren aiki na kula da hana zaizayar kasa, inda ya ce yankin Kudu maso Gabashin Najeriya za su ci moriya tareda kwankwadar romon na jin dadi muddin ya yin nasara a zaben watan gobe.

Shugaban kasar wanda Ministansa na Kimiyya da Fasaha ya wakilta, Ogbennaya Onu, ya bayyana cewa, ba bu gaskiya dangane da ikirarin 'yan adawa kan cewa shugaba Buhari ba ya yiwa yankin Kudu maso Gabashin kasar nan adalci.

KARANTA KUMA: Yadda Dino Melaye ya kai kansa zuwa ga Sufeto Janar na 'Yan sanda

A cewar Onu, gwamnatin shugaba Buhari ta sha alwashin dukufa gami da fafutika wajen tabbatar da karasa dukkanin wasu ayyuka da jam'iyyar adawa ta PDP ta watsar a yankunan Kudu maso Gabashin Najeriya.

Ya kara da cewa, wannan muhimmin aiki na kula da zaizayar kasa zai taimaka kwarai da aniyya wajen inganta ci gaban gine-gine, tare da bayar da kariya da tsare rayuka da dukiyoyin al'umma a yankin.

Sanarwa: Ku ci gaba da kasancewa tare da mu yayin da Shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa&hl=en

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na zaurukan sada zumunta:

https://facebook.com/legitnghausa

https://twitter.com/legitnghausa

Source: Legit.ng

Mailfire view pixel