Abubuwa 5 da Atiku zai yi idan yana son ya lashe zaben 2019 cikin sauki

Abubuwa 5 da Atiku zai yi idan yana son ya lashe zaben 2019 cikin sauki

A yayin da Najeriya ke shirin gudanar da zabukan 2019, ga wasu abubuwa da dan takarar jam'iyyar PDP mai adawa da gwamnati ya kamata ya yi domin samun nasarar lashe zaben 2019.

Gidan jaridar BBC Hausa yayi wani nazari akan wadannan ababe sannan kuma ya lissafa su a kasa kamar haka:

1. Nisanta kai da jam'iyyarsa

Masana kamar Farfesa Umar Pate da Mohammed Jega na ganin tilas ne Atiku Abubakar ya sauya tunanin da al'ummar Najeriya ke yi kan kaurin sunan da jam'iyyar PDP ta yi na rashin cika alkawuran da ta yi wa 'yan kasar a tsawon shekaru 16 da tayi tana mulkin kasar.

Abubuwa 5 da Atiku zai yi idan yana son ya lashe zaben 2019 cikin sauki

Abubuwa 5 da Atiku zai yi idan yana son ya lashe zaben 2019 cikin sauki
Source: Facebook

2. Sauyin alkibla

Masu lura da harkokin siyasar kasar sun ce yadda aka rika facaka da dukiyoyin al'umma ya taimaka wajen rusa tsarin tattalin arzikin Najeriya bayan ta shafe shekara 16 a karkashin mulkin jam'iyyar ta PDP.

Rashin iya taka wa gwamnatocin jihohi da kuma rashin tsawata wa jami'an gwamnati da aka samu da laifin karkatar da kudaden al'umma.

Dole ya kuma nuna wa duniya cewa zai ci gaba da yaki da cin hanci da rashawa ta hanyar aiwatar da matakan da Shugaba Buhari ya fara fi wajen yin hakan.

3. Tattalin arziki

Abubuwa 5 da Atiku zai yi idan yana son ya lashe zaben 2019 cikin sauki

Abubuwa 5 da Atiku zai yi idan yana son ya lashe zaben 2019 cikin sauki
Source: Twitter

Dole ne Atiku Abubakar ya nemo hanyoyin bunkasa tattalin arzikin Najeriya, musamman ta bangaren samar da ayyukan yi da abubuwan more rayuwa kamar hanyoyi da gine-gine.

A matsayinsa na dan kasuwa, zai taimakawa sosai wajen ganin an ci yar da tattalin arzikin gaba, a cewar masu sharhi kam al'amura a Najeriya.

4. Yaya za a yi harkokin ilimi su inganta

Harkar ilimi ce ke kan gaba a yawancin sassa na duniya amma kuma an bar Najeriya a baya.

Kasa ce mai yawan al'umma da ke bukatar ilimi mai inganci domin kawo ci gaba a fagen kimiyya da fasaha.

Saboda haka yana bukatar ya gamsar da 'yan Najeriya cewa zai dauki matakin inganta harkar ilimi idan an zabe shi.

5. Noma da kiwo

Abubuwa 5 da Atiku zai yi idan yana son ya lashe zaben 2019 cikin sauki

Abubuwa 5 da Atiku zai yi idan yana son ya lashe zaben 2019 cikin sauki
Source: Facebook

Ana bukatar shugaban da zai jagoranci Najeriya wajen cimma matakin wadatar da abinci ga miliyoyin al'umomin kasar.

Yana da muhimmanci dan takarar ya fitar da hanyoyin da za su gamsar da al'umomin Najeriya cewa idan ya kasance shugaban kasa, yana da shirin inganta wannan fannin.

Muhimmiyar sanarwa: Shafin NAIJ.com Hausa ya koma legit.ng Hausa. Mun gode da kasancewarku tare da mu.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://web.facebook.com/legitnghausa?_rdc=1&_rdr

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.com

Source: Legit.ng

Mailfire view pixel