Nigerian news All categories All tags
Saura kiris: PDP ta yi nisa wajen zawarcin wani gwamnan APC kafin zaben 2019

Saura kiris: PDP ta yi nisa wajen zawarcin wani gwamnan APC kafin zaben 2019

Jam'iyyar adawa ta Peoples Democratic Party (PDP) shiyyar jihar Legas ta bayyana cewa tuni shirye-shirye suka yi nisa tsakanin ta da gwamnan jihar ta Legas Akinwumi Ambode da sauran 'yan jam'iyyar da dama don gani ta zawarto su zuwa jam'iyyar daga All Progressives Congress (APC).

Jam'iyyar ta PDP ta ce tana iya bakin kokarin ta wajen ganin ta fahimtar da dukkan wadanda aka batawa rai a APC din sun dawo a jam'iyyar su tare kuma da basu tabbacin kyakkyawan adalci a sabuwar jam'iyyar ta su idan suka amince.

Saura kiris: PDP ta yi nisa wajen zawarcin wani gwamnan APC kafin zaben 2019

Saura kiris: PDP ta yi nisa wajen zawarcin wani gwamnan APC kafin zaben 2019

KU KARANTA: Wani ma'aikaci ya rasa aiki saboda kaunar Buhari a Kaduna

Legit.ng Hausa ta samu cewa wannan na kunshe ne a cikin wata sanarwa da mai magana da yawun jam'iyyar ta PDP a jihar legas Mista Taofiq Gani ya fitar dauke da sa hannun sa inda yace yanzu haka ma sun soma tattaunawa da wasun su.

A wani labarin kuma, Hukumar zabe mai zaman kanta ta kasa watau Independent National Electoral Commission (INEC) ta soma sakin sunayen wadanda za suyi takarar kujerun gwamnoni a jahohin Najeriya ashirin da hudu da za'a gudanar da zabukan shekarar 2019.

Haka zalika mun samu cewa hukumar zaben har ila yau ta soma fitar da sunayen wadanda za suyi takarar kujerun 'yan majalisun jahohin tarayyar Najeriya dukkan su da za'a gudanar da zabukan su a shekarar ta 2019.

Muhimmiyar sanarwa: Shafin NAIJ.com Hausa ya koma legit.ng Hausa. Mun gode da kasancewarku tare da mu.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://web.facebook.com/legitnghausa?_rdc=1&_rdr

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.com

Source: Hausa.legit.ng

Tags:
Mailfire view pixel