Jaafar Jaafar, dan jarida mai kwarmato kan zargin cin hancin gwamnan Kano, ya shiga buya

Jaafar Jaafar, dan jarida mai kwarmato kan zargin cin hancin gwamnan Kano, ya shiga buya

- Wani mawallafin jarida ya boye kansa biyo bayan labarin wani bidiyo daya yada

- Bidiyon wai yana nuni da gwamnan jihar Kano a lokacin da yake karbar cin hanci

- Jaafar ya bayyana cewa akwai wadanda suke kawowa rayuwarsa farmaki

Jaafar Jaafar, dan jarida mai kwarmato kan zargin cin hancin gwamnan Kano, ya shiga buya
Jaafar Jaafar, dan jarida mai kwarmato kan zargin cin hancin gwamnan Kano, ya shiga buya
Asali: Twitter

Mawallafin jaridar nan ta Daily Nigerian Jaafar Jaafar, ya shiga hadari biyo bayan wani labari daya wallafa na cewar an ga bidiyo inda gwamnan Kano a lokacin da yake karbar dala har $5m a matsayin cin hanci daga hannun wasu masu.

A rahoton, Mr. Jaafar yace ya sami ganin faifan bidiyo dake nuni da gwamnan a lokacin da yake karbar kudin a lokuta da dama.

Faifan, wanda ba'a sake shi ba, wai ya nuna yadda gwamnan ya fito kansa babu hula ya karbi kudin ya zuba a aljihun sa.

Bincike ya bayyana cewa jaridar Daily Nigeria itace ta fara wallafa wannan labari.

DUBA WANNAN: An rataye masu ta'addanci a Masar

Da majiyarmu ke tattaunawa da Mr Jaafar, ya tabbatar da cewa akwai wadanda suke kawowa rayuwarsa barazana, don haka ya shiga buya, inda a halin yanzu yana wajen da yake akwai tsaro.

Wannan ya janyo hankalin duniya, ciki kuwa har da hukumar kare aiki da hakkokin 'yan jarida dake Amurka a birnin New York.

An zargi cewa Malam Jaafar din, wai yana yi wa Mista Kwankwaso ne aiki don a kayar da gwamnan a zaben badi.

Har yanzu ba'a ji ta bakin hukumomi kan lamarin ba, ko na zargin cin hancin, ko na zargin ana neman ran malam Jaafar din.

Sanarwa: Shafin Legit.ng Hausa zai koma LEGIT.ng Hausa. Mun gode da kasancewa damu.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Online view pixel