Nigerian news All categories All tags
Tsohon shugaban EFCC Ribadu ya janye daga zaben fidda gwani na gwamnan APC a Adamawa ya kafa hujja

Tsohon shugaban EFCC Ribadu ya janye daga zaben fidda gwani na gwamnan APC a Adamawa ya kafa hujja

- Tsohon shugaban EFCC, Mallam Nuhu Ribadu ya janye daga zaben fidda gwani na gwamna dake gudana a APC a jihar Adamawa

- Ribadu yayi ikirarin cewa zaben fidda gwani ba zai kasance mai adalci ba, don haka ya janye

- Ya zargi APC da kin amincewa da zaben fidda gwani na kato-bayan-kato wanda shine muradin ýaýanta

Tsohon shugaban EFCC, Mallam Nuhu Ribadu ya janye daga zaben fidda gwani na gwamna dake gudana a karkashin jam’iyyar All Progressives Congress (APC) a Adamawa.

Kamfanin dillancin labaran Najeriya (NAN) ta ruwaito cewa an tantance Ribadu, Mahmood Halilu da gwamna Muhammadu Bindow mai ci a yanzu don su kara a zaben fidda gwani na ranar Lahadi.

Wata sanarwa daga darakta janar na kungiyar yakin neman zaben Ribadu, Mallam Salihhu Bawuro, yace Ribadu ya yanje ne bisa ga tsarin zaben fidda gwanin.

Tsohon shugaban EFCC Ribadu ya janye daga zaben fidda gwani na gwamnan APC a Adamawa ya kafa hujja

Tsohon shugaban EFCC Ribadu ya janye daga zaben fidda gwani na gwamnan APC a Adamawa ya kafa hujja
Source: Depositphotos

“Yayinda mu da mafi akasarin yan APC a jihar Adamawa suka goyi bayan bayar da mulki ga mutane ta hanyar zaben fidda gwani na kato-bayan-kato, jam’iyyar ta yanke shawarar yin amfani da zaben fidda gwani na wakilai a karshe.

KU KARANTA KUMA: Yanzu-Yanzu: Wasu 'yan bindiga sun sace motoci 5 makare da mutane a Kaduna

“Mu duka mun zata za’a mutunta burin mambobin jam’iyyar mafi rinjaye, sannan ayi aiki dashi. Amma shawarar da aka yanke na yin akasin haka yasa mu da magoya bayanmun muka janye.

“Muna adawa da amfani da zaben fidda gwani na wakilai ne saboda muna ganin an saba ka’idar tsarin da muke sa ran zai kawo kowa ya gwada sa’arsa

“Don haka bama ganin adalci a hannun wadanda ake kira da jami’an jam’iyya."

Ya kuma jadadda jajircewar Ribadu na ci gaba da kasancewa a APC da kuma ci gaba da marawa Shugaban kasa Muhammadu Buhari baya.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel