Nigerian news All categories All tags
Yajin aiki: Mun yi asarar Miliyan 60 inji Kamfanin jiragen Air Peace

Yajin aiki: Mun yi asarar Miliyan 60 inji Kamfanin jiragen Air Peace

Labari ya kai gare mu cewa yajin aikin da ‘Yan kungiyar kwadago su ka shiga a makon jiya yayi sanadiyyar asarar tsabar kudi har na Naira Miliyan 60 a kamfanin jirgin sama na Air Peace na Najeriya.

Yajin aiki: Mun yi asarar Miliyan 60 inji Kamfanin jiragen Air Peace

'Yan kwadago sun shiga wani gajeren yajin aiki a Najeriya
Source: UGC

Shugaban Kamfanin jiragen na Air Peace ya bayyanawa manema labarai cewa yajin aikin da manyan Kungiyoyin Ma’aikatan Najeriya wanda su ka hada da NLC na 'Yan kwadago da TUC na ‘Yan kasuwa su ka shiga ya masu mugun illa.

Allen Onyema wanda shi ne Shugaban Air Peace yace yajin aikin da aka shiga kwanan nan ya sa an rufe babban filin tashin jirgin sama na Najeriya na Murtala Muhammed da ke Legas inda aka hana jama’a tashi a Ranar Juma’ar nan.

Onyema yace Jagororin ‘Yan kungiyar kwadagon sun hana jama’a sakat tun safiya har zuwa karfe 11:00. Wanan dai ya sa fasinjojin jiragen saman da dama su ka hakura da tafiyar su. A dalilin haka dai dole jirage su ka fasa tashi a tashar.

KU KARANTA: Kamfunnan Sadarwa sun jawo wa gwamnati asarar makudan kudi

Yajin aikin dai ya sa aka daga tashin jirage daga Legas bayan da ‘Yan kwadago su ka rikita ko ina su ka hana Ma’aikata aiki su na kade-kade da wake-waken su a filin tashi da saukar jirgin. Wannan ya sa dole kamfanin ya tafka asara.

Kamfanin jirgin dai ya rasa akalla Naira Miliyan 60 a sakamakon wannan abu da ya faru. Wani babban Jami’in kafanin mai suna Chris Iwarah ya nuna cewa ba su ji dadin hakan ba duk da cewa ba su hana a shiga yajin aiki a Kasar ba.

Ku na da labari cewa Kungiyar Malaman Jami’a ASUU ta caccaki Gwamnatin Tarayya inda har sun fara shirin shiga yajin aiki. ASUU tace Gwamnati ta saba yarjejeniyar da aka yi da ita a 2017.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.legit.ng

Tags:
Mailfire view pixel