Nigerian news All categories All tags
Akwai damuwa: ‘Yan majalisar dokoki 9 a jihar APC sun fita daga jam’iyyar

Akwai damuwa: ‘Yan majalisar dokoki 9 a jihar APC sun fita daga jam’iyyar

‘Yan majalisar dokokin jihar Oyo 9 sun canja sheka daga jam’iyyar APC mai mulki zuwa jam’iyyar adawa ta ADC. Daga cikin mambobin da suka fita daga APC din har da mataimakin shugaban majalisar, Honarabul Abdulwasi Musah.

Magatakardar majalisar dokokin jihar Oyo, Paul Bankole, ne ya karanta wasikar canjin ‘yan majalisar yayin zamansu nay au, Talata.

Bayan mataimakin shugaban majalisar, daga cikin wadanda suka canja shekar akwai, Lukman Balogun, Bolaji Badmus, Azeez Billiaminu, Ganiyu Oseni, Olusegun Olaleye, Samson Oguntade da Muideen Olagunju.

Yanzu haka jam’iyyar ADC na da mambobi 12 a majalisar ta jihar Oyo yayin da jam’iyyar APC dake mulkin jihar keda mambobi 18. Jam’iyyar PDP na da mambobi 2 kacal a majalisar.

Akwai damuwa: ‘Yan majalisar dokoki 9 a jihar APC sun fita daga jam’iyyar

Gwamnan jihar Oyo, Abiola Ajimobi
Source: Depositphotos

Jam’iyyar ADC na samun Karin karfi a jihar saboda canjin shekar da mambobin APC da PDP ke yi zuwa cikinta.

A kwanakin baya-bayan nan ne wasu mambobin majalisar tarayya biyu daga jihar Oyo, Sanata Soji Akanbi da Honarabul Abiodun Awoleye, suka canja sheka daga APC zuwa ADC.

DUBA WANNA: Duba tsarin da kowacce jiha zata yi amfani da shi wajen fitar da 'yan takara a APC

ADC na daga cikin sabbin jam’iyyu da hukumar zabe mai zaman kanta (INEC) ta yiwa rajista cikin shekarar nan.

Ana zargin cewar tsohon shugaban kasar Najeriya Obasanjo ne ya kirkiro jam’iyyar ADC bayan ya daina goyon bayan gwamnatin Buhari. Sai dai tsohon shugaban kasar ya musanta cewar shi mamba ne a jam’iyyar ta ADC.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel