Nigerian news All categories All tags
Dan takarar APC a Kwara ya tona asirin cin hancin da Saraki ya yi masa alkawari idan ya bi shi PDP

Dan takarar APC a Kwara ya tona asirin cin hancin da Saraki ya yi masa alkawari idan ya bi shi PDP

Daya daga cikin masu neman takarar gwamna a jam'iyyar APC na jihar Kwara, Abdulfatai Yahaya-Seriki ya ce shugaban majalisa, Bukola Saraki ya yi masa tayin mukami har idan zai bi shi su koma jam'iyyar PDP.

Sai dai Yahaya Seriki ya shaidawa manema labarai a babban birnin taraya Abuja cewar ya ki amince da dukkan tayin daaka yi masa.

Da ya ke tsokaci kan zargin da wasu ke yi masa na cewa shi dan leken asirin Saraki ne a APC, Yahaya-Seriki ya ce shi mutum ne mai kwazo da ya gina kansa kuma bashi da ubangida.

Dan takarar APC a Kwara ya tona asirin cin hancin da Saraki ya yi masa alkawari idan ya bi shi PDP

Dan takarar APC a Kwara ya tona asirin cin hancin da Saraki ya yi masa alkawari idan ya bi shi PDP
Source: Depositphotos

DUBA WANNAN: Ina satar baburan mutane duk lokacin da na bukaci kudin kashewa - Gimba

"Wasu na zargin cewa ina da alaka da shugaban majalisar dattawa, Bukola Saraki ko kuma ni dan leken asirinsa ne. Ina son tabbatar muku da cewa bani da wata alaka da shi kuma ba zan iya aiki tare da shi ba.

"A lokacin da mutane ke sauya sheka zuwa PDP a Kwara, labarai ya ishe Saraki cewar ba zan sauya sheka ba. Ya aiko Kwamishinan Harkokin Fada da Kiama ya kira zuwa gidansa.

"Na amsa kiransa inda muka hadu a gidansa da ke Lake Chad kuma a ranar ya min tayin mukammin mai bayar da babban mai bayar da shawara ta musamman amma na ki karba saboda akidar mu ba daya bane kuma ina kaunar jama'a ta," inji Seriki.

Yahaya Seriki ya kara da cewa baya goyon bayan yadda mutum daya zai rika juya jiha kamar gidan gadonsa hakan ya sa ya tsaya a APC ya cigaba da yiwa jam'iyya biyaya.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel