Nigerian news All categories All tags
Zaben 2019: Ni ba barawo bane – Atiku Abubakar

Zaben 2019: Ni ba barawo bane – Atiku Abubakar

Tsohon mataimakin shugaban kasa, Atiku Abubakar ya ziyarci jihar Ekiti a ranar Talata, 4 ga watan Satumba domin tuntubar Gwamna Ayodele Fayose akan kudirinsa na takarar kujerar shugaban kasa a zabe mai zuwa.

Mista Abubakar na neman tikitin takara a jam’iyyar Peoples Democratic Party (PDP) domin takarar shugaban kasa a zabe mai zuwa.

Yayinda yake Magana a Ado Ekiti lokacin ganawar, Atiku yace zarge-zargen rashawa da ake yi masa karya ne ba gaskiya bane.

Ya kasance mataimakin shugaban kasa a karkashin gwamnatin Olusegun Obasanjo daga 1999 zuwa 2007.

Zaben 2019: Ni ba barawo bane – Atiku Abubakar

Zaben 2019: Ni ba barawo bane – Atiku Abubakar

Atiku ya raba gari da ubangidansa jim kadan bayan zaben 2003 wadda PDP tayi nasara. Sai daga baya aka zarge shi da hannu a rashawa wadda majalisar dattawa ya bincike shi akai.

Majalisar dattawa a 2006 ta gudanar da bincike ta kwamitin da Victor Ndoma-Egba ta jagoranta kuma rahoton kungiyar da aka saki a 2007 ya same shi da laifin taimakon kansa da kudin Petroleum Training Development Fund (PTDF).

KU KARANTA KUMA: Dubi Ronke Ajayi wacce ta sha alwashin siyar da dukkanin abunda ta mallaka don siyawa Buhari fam din takara

Sai dai Abubakar ya karyata hakan inda ya zargi Obasanjo da majalisar da yunkurin son hana shi zama shugaban kasa.

A kokarinsa na son ganin ya zamo shugaban kasa a zaben 2019 Atiku ya sauya sheka daga jam’iyyar APC zuwa PDP, kuma yana daga cikin yan gaba-gaba a yan takaran.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Source: Hausa.legit.ng

Tags:
Mailfire view pixel