Nigerian news All categories All tags
Yanzu-Yanzu: Matthew Seiyefa ya zama sabaon shugaban hukumar DSS na rikon kwarya

Yanzu-Yanzu: Matthew Seiyefa ya zama sabaon shugaban hukumar DSS na rikon kwarya

Labarin da muke samu da dumin sa na nuni ne da cewa Matthew Seiyefa da ke zaman darakta mafi girma a hukumar tsaron farin kaya ta kasa shine ya canji Lawal Daura a matsayin sabon shugaban hukumar biyo bayan tsige shi da akayi.

Shi dai Matthew Seiyefa dan asalin jihar Bayelsa ne kuma ya taba rike babban darakta a makaranta koyon harkokin tsaron tarayyar Najeriya ta Institute of Security Studies (ISS) a turance kafin daga bisani ya koma hedikwatar hukumar a Abuja.

Yanzu-Yanzu: Matthew Seiyefa ya zama sabaon shugaban hukumar DSS na rikon kwarya

Yanzu-Yanzu: Matthew Seiyefa ya zama sabaon shugaban hukumar DSS na rikon kwarya

KU KARANTA: Jam'iyyar Obasanjo ta fatattakar Buhari ta rabe gida 2

Mai karatu dai zai iya tuna cewa mukaddashin shugaban kasa Farfesa Yemi Osinbajo ya tsige shugaban hukumar tsaro ta sirri, wato DSS, Malam Lawal Daura daga mukaminsa biyo bayan farmakin da jami’an hukumar suka kai majalisar dokokin Najeriya da safiyar ranar Talata 7 ga watan Agusta.

Mai magana da yawun mataimakin shugaban kasa Osinbajo, Laolu Akande ne ya bayyana haka cikin wata sanarwa da ya fitar a ranar Talata, 7 ga watan Agusta.

Haka zalika hadimin shugaban kasa Buhari akan harkokin sadarwar zamani, Bashir Ahmad ya tabbatar da fatattakar Lawal Daura daga aiki.

Bugu da kari, Farfesa Osinbajo ya umarci Lawal Daura ya mika ragamar tafiyar da hukumar ga jami’I mafi girma a hukumar, har sai baba ta ji.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Tags:
Mailfire view pixel