Nigerian news All categories All tags
Dalilin da ya sa mataimakina ya yi murabus – Gwamna Ganduje

Dalilin da ya sa mataimakina ya yi murabus – Gwamna Ganduje

A yau, Litinin, ne gwamnan jihar Kano, Abdullahi Umar Ganduje, ya bayyana cewar mataimakinsa, Farfesa Hafiz Abubakar, ya yi murabus ne saboda tsoron za a tsige shi.

Kwamishin nan yada labarai na jihar Kano, Malam Muhammad Garba, ne ya sanar da hakan a wata takarda da gwamnatin jihar Kano ta rabawa manema labarai yau a Kano.

Garba ya rawaito gwamna Ganduje na cewar Farfesa Hafiz ya yanke shawarar ajiye mukaminsa ne bayan ‘yan majalisar dokokin jihar Kano 30 daga cikin 40 sun fara yunkurin daukan matakan tsige shi.

Dalilin da ya sa mataimakina ya yi murabus – Gwamna Ganduje

Gwamna Ganduje

Ya bayyana cewar za tsige tsohon mataimakin gwamnan ne saboda wasu zarge-zarge na badakalar kudi na kuma kalamai da kan iya haifar da kiyayya tsakanin magoya bayan jam’iyyar APC.

A takardar tasa ta murabus, mai dauke da kwanan watan jiya, 5 ga watan Agusta, Farfesa Hafiz ya bayyana cewar ya so ya zauna a ofis har zuwa karshen wannan zangon amma rashin sasanta wasu matsaloli tsakaninsa da gwamna Ganduje ya saka shi yanke shawarar yin murabus.

DUBA WANNAN: A kan sharadi daya ne kawai zamu iya janye hutun da muka tafi - 'Yan majalisa

"Ina mai matukar nadamar sanar da kai cewar na yanke shawarar ajiye mukamina daga ranar 4 ga watan Agusta, 2018."

"Mai girma gwamna, na so zama tare da kai har zuwa karshen wannan zangon amma wasu rashin sasanta banbancen mu a kan sha'anin mulki da gwamnati da kuma na kashin kai, ya saka ni jin cewar ban yiwa kaina da kai kan ka da jama'ar jihar Kano adalci ba idan na cigaba da zama tare da kai a matsayina na mataimakin gwamnan jihar Kano," a cewar Farfesa Hafiz

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel